কেতিয়াবা আমাৰ উদ্বিগ্নতাই এন সময়ত দেখা দিয়ে যত আমি কিবা এটা জৰুৰী কাম কৰিবলৈ লৈছোঁ আৰু আমাৰ হাতত সময় একবাৰে কম৷ তেতিয়া আমাক এনে কিছুমান উপায় লাগে যিবোৰে লগে লগে আমাৰ উদ্বিগ্নতাৰ কমাব বা নোহোৱা কৰিব যাতে আমি কৰিবলগীয়া কামটোত মন দিব পাৰোঁ৷ তেনে কেইটামান সহজ আপুনি ব্যৱহাৰ কৰিব পৰা উপায়ৰ কথা চাও আহক যিবোৰে কেইমিনিটমানৰ ভিতৰতে আপোনাৰ উদ্বিগ্নতা নোহোৱা কৰিব৷
৫-৫-৫- গেইমটো খেলক
উদ্বিগ্ন হৈ থকা অৱস্থাত আমাৰ মনত নিগেটিভ চিন্তাৰ এটা চক্ৰ বা লুপ চলি থাকে৷ সেই চক্ৰটো ভাঙিবলৈ আমি এটা সৰু গেইম খেলিম৷ গেইমটো হ’ল ৫-৫-৫৷ কেনেদৰে খেলিম?
(১) আপোনাৰ চাৰিওফালে চাওক আৰু আপুনি দেখা ৫ টা বস্তুৰ নাম কওক
(২) আপুনি এতিয়া কি কি ৫ টা শব্দ শুনি আছে
(৩) আপোনাৰ শৰীৰৰ ৫ টা অংগ লৰচৰ কৰক (ভৰি, হাত, আঠু, গেৰোহা, কাণ, চকু, মূৰ আদি যিকোনো অংগ আপুনি লৰচৰ কৰিব পাৰে)
সৰু-ল’ৰা ছোৱালীৰ খেলৰ নিচিনা কিন্তু কৰি চাওচকোন৷ কামত আহিব৷
চিধাকৈ বহক
চিধাকৈ বহাৰ লগত উদ্বিগ্নতা বা এংজাইটিৰ কি সম্বন্ধ আছে? আছে৷ তমৰ চানস্কি অনৰম চাইক’লজিষ্ট গৰাকীৰ মতে আমি যেতিয়া উদ্বিগ্ন হৈ পৰো, তেতিয়া আমি আমাৰ শৰীৰৰ ওপৰৰ অংশটো ৰক্ষা কৰিবলৈ যত্ন কৰোঁ-আমাৰ হার্ট আৰু লাংছ যত অৱস্থিত সেই অংশটোক আমি ৰক্ষা কৰিবলৈ চেষ্টা কৰোঁ৷
তৎক্ষণাত উদ্বিগ্নতাৰ পৰা ৰক্ষা পাবলৈ হ’লে ঠিয় হওক, কান্ধ দুটা লাহেকৈ টানি অলপ পিছলৈ নিয়ক, ভৰি দুখন মাটিত অলপ বহলকৈ মেলক, আৰু বুকুখন আগতকৈ খোলাকৈ ধৰক, অলপ বহল কৰক৷ তাৰ পিছত দীঘলীয়া উশাহ কেইটামান লওক৷
এনে কৰিলে আপোনাৰ শৰীৰটোৱে বুজি পাব যে বর্তমান আপোনাৰ কোনো ভয় নাই আৰু শৰীৰটো নিজে নিয়ন্ত্ৰণত আছে৷
Watch a funny video
এটা হাঁহি উঠা ভিডিঅ চাওক৷ যি ভাষাৰে নহোক, যি বিষয়বস্তুৰে নহওক, কিবা এটা হাঁহি উঠা ভিডিঅ চাওক৷ একে সময়তে আপুনি হাঁহিব আৰু উদ্বিগ্ন হ’ব নোৱাৰে৷ হাঁহিলে আপোআৰন শৰীৰত এনডৰফিন বাঢ়ে যিয়ে উদ্বিগ্নতা কমায়৷ লগতে শৰীৰত বেছিকৈ অক্সিজেন সোমায় বাবে আমাৰ এংজাইটি কমে৷
এক্সাচাইজ কৰক বা মেডিটেচন কৰক
যদি আপুনি এন ঠাইত আৰু অৱস্থাত আছে যত মেডিটেচন কৰিব পাৰি, সেয়া কৰক৷ ই উদ্বিগ্নতাৰ পৰা আপোনাক বাহিৰলৈ ওলাবলৈ সহায় কৰিব৷ চকু মুদিয়ে হওক বা চাৰিওথালৰ বস্তু মন কৰি কৰা মাইণ্ডফুল মেডিটেচনে হওক, ই আপোনাক সহায় কৰিব৷
শাৰীৰিক ব্যায়ামে আপোনাক লগে লগে উদ্বিগ্নতা নোহোৱা কৰাত সহায় কৰিব৷ আপুনি যদি নিয়মীয়াকৈ এক্সাচাইজ কৰে তেতিয়া এনেয়েও আপোনাৰ উদ্বিগ্নতা কম হ’ব৷ আনকি একো কৰিব নোৱাৰিলেও আপুনি যদি মাত্ৰ ১০ মিনিট খোজ কাঢ়ে তেতিয়াও আপোনাৰ উদ্বিগ্নতা কমি যাব৷
উশাহ-নিশাহ নিয়ন্ত্ৰণ কৰক
উশাহ-নিশাহৰ সমস্যাৰ বাবেও বেছি উদ্বিগ্নতাৰ সৃষ্টি হয়৷ বহু মানুহে ভালদৰে উশাহ-নিশাহ ল’ব নাজানে বাবেও এনে হয়৷ উশাহ নিয়ন্ত্ৰণ কৰি আপুনি উদ্বিগ্নতাৰ পৰা ৰক্ষা পাব পাৰে৷ এনে কৰক-
নাকেৰে লাহে লাহে উশাহ লওক ৫-১০ চেকেণ্ডৰ বাবে
উশাহটো ধৰি ৰাখক ৪ চেকেন্ডৰ বাবে
মুখখন বন্ধ কৰি ওঠ দুটাৰ মাজেৰে লাহে লাহে নিশাহ এৰক ৭ -৯ চেকেণ্ডৰ বাবে
আপুনি সুহুৰি বজোৱাৰ নিচিনা শব্দ হ’ব পাৰে৷ একো কথা নাই৷
এয়া এবাৰ৷ এনেদৰে ১০ ৰ পৰা ২০ বাৰ মান উশাহ-নিশাহ লওক৷
কৰি চাওক৷ এই উপায়কেইটাই আপোনাৰ উদ্বিগ্নতা নোহোৱা কৰাত সহায় কৰিব আৰু এইবোৰে সোনকালে কাম কৰিব৷