আত্মবিশ্বাস বঢ়োৱা কামটোত সময় লাগে৷ কিছুমান কাম কৰিলে, লাহে লাহে আমাৰ আত্মবিশ্বাস বাঢ়ে৷ সৰুৰে পৰা ডাঙৰলৈকে নানাধৰণৰ কথা শিকা, অভ্যাস কৰা, কাম কৰাৰ মাজেৰে আমাৰ ব্যক্তিত্ব আৰু আত্মবিশ্বাসস গঢ় লয়৷ কিন্তু কেতিয়াবা এনে হয় যে কিছুমান পৰিস্থিতিত আমাক আত্মবিশ্বাসৰ বৰ প্ৰয়োজন হৈ পৰে৷ তেতিয়া আমি আত্মবিশ্বাস গঢ়িবলৈ বা ঢ়াবলৈ ৰৈ থাকিব নোৱাৰো৷ আপুনি এটা ইন্টাৰভিউ দিবলৈ গৈছে বা কোনোবা এজন গুৰুত্বপূর্ণ মানুহক লগ পাবলৈ গৈছে বা সামাজিক অনুষ্ঠান এটাত উপস্থিত থাকিবলগীয়া হৈছে, আৰু নিজৰ আত্মবিশ্বাস অলপ কমা কমা যেন আপোনাৰ অনুভৱ হৈছে৷ তেতিয়া আপুনি এই উপায়টোৰে নিজৰ আত্মবিশ্বাস অলপ হলেও বঢ়াব পাৰিব৷
আমেৰিকান চছিয়েল ছাইক’লজিষ্ট, লিখক, আৰু বক্তা এমি কাডি (Amy Cuddy) ৰ মতে আমি নিজৰ আত্মবিশ্বাস বঢ়াব পাৰোঁ “পাৱাৰ পজিং” ৰ জৰিয়তে৷ কেইতামান “পাৱাৰ পজে” আমাৰ আত্মবিশ্বাস বঢ়াব পাৰে৷ এই কেইটা পাৱাৰ পজে আমাৰ শৰীৰৰ টেষ্ট’ষ্টেৰণ হৰমণ বঢ়াব পাৰে আৰু ষ্ট্ৰেছ হৰমন কর্টিচলৰ লেভেল কমাব পাৰে৷ তেওঁলোকে কৰা পৰীক্ষাত পাইছিল যে এই পাৱাৰ প’জে ২০% টেষ্ট’ষ্টেৰণ হৰমণ বঢ়াব পাৰে আৰু ষ্ট্ৰেছ হৰমন কর্টিচলৰ লেভেল ২৫% কমাব পাৰে৷ এই টেষ্ট’ষ্টেৰণে আপোনাক শক্তিশালী যেন অনুভৱ কৰায়৷
চাও আহক এই কেইটা পাৱাৰ প’জ কি আৰু ইয়াক কেনেদৰে কৰিব পাৰি৷
যি কেইটা হাই পাৱাৰ প’জ, সেই কেইটা কৰিব
যি কেইটা ল’ পাৱাৰ প’জ, সেই কেইটা নকৰিব
আপুনি মাত্ৰ এনে এটুকুৰা ঠাই বিচাৰি ল’ব লাগিব যত আপোনাক দুই মিনিট সময় কোনেও অসুবিধা নিদিয়ে৷ আৰু তাত এই পাৱাৰ প’জ কেইটা আপুনি কৰিব লাগিব৷
আপোনাৰ শৰীৰৰ অৱস্থান, ভংগী আদি সলনি কৰিলে ই আপোনাৰ মনৰ অৱস্থাও সলনি কৰিব পাৰে৷ সেই কথা ইতিমধ্যে আন পৰীক্ষাত প্ৰমাণ হৈছে৷ সেইবাবেই এই পাৱাৰ প’জবোৰে কাম কৰে৷
ভবিষ্যতে যেতিয়াই আপোনাক আৰু অলপ আত্মবিশ্বাসৰ প্ৰয়োজন হয় লগে লগে এই পাৱাৰ প’জ কেইটা কৰিব আৰু নিজৰ আত্মবিশ্বাস আগতকৈ বৃদ্ধি কৰিব৷
