কেতিয়াবা কিবা কাৰণত, কিবা ঘটনা ঘটিলে, কোনোবাই কিবা ক’লে, বেয়া ব্যৱহাৰ কৰিলে, পুৰণি বেয়া স্মৃতি মনত পৰিলে আপোনাৰ মনটো বেয়া লাগিব পাৰে৷ তেতিয়া একো কৰিবলৈ, ক’বলৈ আপোনাৰ মন নাযাব আৰু দিনটোৰ সময়খিনি বেয়া হৈ যাব পাৰে৷ কিন্তু বেয়া লাগি থাকিলেও এই বেয়া লগা ভাবটো সলাব পাৰি৷
আপোনাৰ যদি মনটো বেয়া লাগি আছে, তেন্তে ইয়াক লগে লগে ভাল কৰি তোলাৰ এটা সহজ-সৰল উপায় আছে৷ আপুনি ঘৰতে বহি এয়া কৰিব পাৰিব, বেছি সময়ো নালাগে৷ কেইমিনিটমানৰ ভিতৰতে আপোনাৰ মনটো ভাল লাগি যাব৷ আৰু আপোনাৰ যেতিয়াই মন যায় তেতিয়াই আপুনি এই পদ্ধতিটো ব্যৱহাৰ কৰিব পাৰে৷
আপোনাৰ অতীতলৈ ঘূৰি যাওক আৰু তাৰপৰা আপোনাৰ খুব ভাললগা, অনবৰতে মনত পৰা এটা সুন্দৰ স্মৃতি মনলৈ আনক৷ ই হ’ব লাগে এনে এটা বিশেষ ঘটনা যি সম্পূৰ্ণৰূপে পজিটিভ৷ কৰবাত আপুনি কিবা পুৰস্কাৰ পাইছিল, কোনোবাই আপোনাৰ বিষয়ে বহুত ভালকৈ কৈছিল, আপুনি বিচৰা বস্তুটো পাইছিল, জীৱনৰ ডাঙৰ কিবা এটা টাৰ্নিং পইKI×, আপুনি খুব শ্ৰদ্ধা কৰা আপোনাৰ ৰোল মডেলক লগ পাইছিল, আপোনাৰ জীৱনৰ কিবা এটা উল্লেখনীয় পজিটিভ ঘটনা তেনেধৰণৰ কিবা এটা স্মৰণীয় স্মৃতি৷
চকী এখনত মেৰুদণ্ড চিধা কৰি বহি লওক৷ উশাহ-নিশাহ যিমান দীঘলকৈ পাৰে, শব্দ নোহোৱাকৈ লওক৷
প্ৰথমে চকু দুটা মুদি লওক৷ এতিয়া সেই ঘটনাটোৰ কথা মনলৈ আনিবলৈ চেষ্টা কৰক৷ চিনেমা হলৰ যিখন ি¦ণ থাকে তেনে এখন ডাঙৰ স্ক্ৰিণত গোটেই ঘটনাটো সম্পূৰ্ণৰূপে, একেবাৰে পৰিষ্কাৰকৈ চাবলৈ চেষ্টা কৰক৷ এইচ ডি চিনেমা এখন চালে যিমান পৰিষ্কাৰ হয় সিমান পৰিষ্কাৰভাৱে এই চিনেমাখন আপুনি চাবলৈ চেষ্টা কৰক৷ কোনে কি ৰঙৰ কাপোৰ পিন্ধিছিল, কেনেকুৱা কাপোৰ পিন্ধিছিল, কোনে কি কৈছিল, সকলো কথা পৰিষ্কাৰভাৱে চাবলৈ, শুনিবলৈ চেষ্টা কৰক৷ আপুনি কি ৰঙৰ কাপোৰ পিন্ধিছিল, কি কৈছিল, কি কৰিছিল সকলো চাবলৈ যত্ন কৰক৷ আপোনাৰ তেতিয়া কেনে লাগিছিল আকৌ এবাৰ মনত পেলাবলৈ চেষ্টা কৰক৷ আপুনি দৰ্শক হিচাপে বহি স্ত্ৰিণত চাই আছে৷ যি অনুভৱ সেই সময়ত হৈছিল সেয়া আকৌ অনুভৱ কৰিবলৈ চেষ্টা কৰক৷ চকু নেমেলিব৷ যিমান সময় লাগে লওক, কিন্তু সম্পূৰ্ণৰূপে সেই আগৰ স্মৃতিটো আকৌ অনুভৱ কৰক৷ এবাৰ চাই শেষ হ’লে আকৌ ৰিপিট কৰি কেইবাৰমান তাকে চাওক৷ তাৰবাবে যিমান সময় লাগে লওক৷
এতিয়া চকু মেলক আৰু মন কৰকচোন আপোনাৰ কেনে লাগিছে৷ এতিয়াতো আপোনাৰ আৰু বেয়া লাগি থকা নাই? মনটো যদি ভাল লাগিছে তেন্তে এতিয়া আপুনি নিজৰ কৰিবলগীয়া কামত লাগকগৈ৷ ভবিষ্যতে কেতিয়াবা মন বেয়া লাগিলেও আপুনি ইয়াক কৰিব পাৰিব৷
ই বহুত সহজ নহয়নে?
