আত্মবিশ্বাস বঢ়াবলৈ মাত্ৰ এই কামটো কৰক

আপুনি যেতিয়া আত্মবিশ্বাস বঢ়াব বিচাৰে আৰু বঢ়াবলৈ চেষ্টা কৰিব বিচাৰে ই এক বৰ টান কাম যেন অনুভৱ হয়৷ ই যেন আপোনাৰ সাধ্যৰ বাহিৰৰ৷ কিন্তু আনহাতে আপুনি এনে মানুহ দেখিছে যিসকল খুব আত্মবিশ্বাসী আৰু আপুনি জানে আপোনাৰ নিচিনাকৈ তেওঁলোকো মানুহেই৷

business

আত্মবিশ্বাস বঢ়াবলৈ আপুনি যদি বন্ধু-বান্ধৱ, আত্মীয়-স্বজন, আৰু আন মানুহক উপায়ৰ কথা সোধে, তেতিয়া তেওঁলোকে আপোনাক নানা উপায়ৰ কথা ক’ব, কিন্তু তেনে উপায়ৰ বেছিভাগেই কামত নাহে বা আপোনাৰ জীৱনত সেয়া কৰাটো সম্ভৱ নহয়৷ তেনে বেছিভাগ পৰামর্শই অদৰকাৰী৷ নিজৰ আত্মবিশ্বাস বঢ়াবলৈ চেষ্টা কৰা আপুনিহে গম পায় ই কিমান কঠিন৷

আত্মবিশ্বাস বঢ়াবলৈ নানা ধৰণৰ কার্যকৰী আৰু কৰিব পৰা উপায়, কৌশল, পদ্ধতি আছে, কিন্তু আমি আকি সেইবোৰ আটাইবোৰৰ কথা নাপাতো৷ এনে কিবা সহজ উপায় আছে নেকি যিয়ে আত্মবিশ্বাস বঢ়োৱাত সহায় কৰিব?

এইটো এটা যুক্তিপূর্ণ প্ৰশ্ন৷ তেনে সহজ উপায় আছে৷ আমি মাত্ৰ এটা সহজ উপায়ৰ কথা ক’ম যিটোৱে আপোনাৰ আত্মবিশ্বাস বঢ়োৱাত সহায় কৰিব৷

আত্মবিশ্বাস বঢ়াওক

আপুনি যদি আত্মবিশ্বাস বঢ়াব খোজে মাত্ৰ এটা কাম কৰক –

এনে এটা কাম কৰক যিটো কৰিবলৈ আপোনাৰ ভয় লাগে

ভয় লগা কাম এটা বিচাৰি লওক + কামটো কৰক = আত্মবিশ্বাস বৃদ্ধি

পদ্ধতিটো

প্ৰথম ষ্টেপ- আপোনাৰ কোনবোৰ কাম/বস্তু ভয় লাগে সেয়া বিচাৰি উলিয়াওক

দ্বিতীয় ষ্টেপ- সাঁজু হওক আৰু ভয় লাগিলেও সেই কামবোৰ কৰক

তৃতীয় ষ্টেপ- মন কৰক আপোনাৰ আত্মবিশ্বাস কিমান বাঢ়িলে

ভালদৰে মন কৰিলে আপুনি গম পাব যে আপোনাৰ আত্মবিশ্বাস বৃদ্ধি হৈছে৷ ই অলপ হ’ব পাৰে বা বহুতখিনি হ’ব পাৰে, কিন্তু ই আপোনাৰ আত্মবিশ্বাস বঢ়াবই৷ ভয়লগা কামটো কৰিবলৈ ভয় লগাৰ পিছতো যে আপুনি কামটও কৰিবলৈ চেষ্টা কৰিলে আৰু কামটো কৰিলে সেই কথাটোৱেও আপোনাৰ মনত আৰু অলপ আত্মিবশ্বাস আনি দিব৷ হয়তো খুব ভালদৰে আপুনি কৰিব পৰা নাই বা কৰোতে খপজপ হৈছে, কিন্তু আপুনি কামটো কৰাৰ লগে লগে আৰু ফলাফল এটা লাভ কৰাৰ লগে লগে ই আপোনাৰ আত্মবিশ্বাস বঢ়োৱাত সহায় কৰিব৷

আপুনি মাত্ৰ কেই সপ্তাহমানৰ বাবেও যদি এই কামটো কৰি থাকে ই আপোনাৰ আত্মবিশ্বাস যথেষ্ট পৰিমাণে বঢ়াই তুলিব৷ ই এনে এটা কৌশল, উপায় যাক আপুনি যেতিয়াই বিচাৰে তেতিয়াই বা আনকি গোটেই জীৱনো ব্যৱহাৰ কৰিব পাৰে আৰু তাৰ পৰা সুফল লাভ কৰিব পাৰে৷

Post Author: বিকাশ কলিতা

বিকাশ এজন মটিভেচনেল স্পীকাৰ, উদ্যোগী (আন্ট্ৰপ্ৰিনৰ), কোচ, কার্যকুশলতা বিশেষজ্ঞ আৰু লিখক, যিয়ে পার্ছনেল ডেভেলপমেন্ট, উদ্যমীতা, কর্মকুশলতা আৰু জীৱনৰ বিভিন্ন বিষয়ে শিকায়৷ তেওঁ মানুহক নিজৰ জীৱন উন্নীত কৰিবলৈ আৰু নিজৰ লক্ষ্যবোৰ লাভ কৰিবলৈ সহায় কৰে৷ বিকাশ সমগ্ৰ উত্তৰ-পূর্বাঞ্চল তথা পূব ভাৰতৰ একমাত্ৰ আৰু প্ৰথম ই-বুক ষ্টোৰ আসামকার্ট (www.assamkart.com) ৰ এজন প্ৰতিষ্ঠাপক৷ আসামকার্টে পৃথিৱীৰ যিকোনো ঠাইৰ পঢ়ুৱৈয়ে অসমীয়া ই-বুক (কিতাপ) মবাইল ফোন আৰু কম্পিউটাৰত পঢ়িব পৰাকৈ যোগান ধৰে৷ বিকাশ Life Skills Training Institute (www.lstionline.com) বা LSTI ৰো এজন প্ৰতিষ্ঠাপক৷ এই অনুষ্ঠানে বিভিন্ন শ্ৰেণীৰ মানুহক মটিভেচনেল আৰু লাইফ স্কিল ট্ৰেইনিং আগবঢ়ায় যাৰ দ্বাৰা যুবক-যুৱতী সকলৰ সমর্থবান কৰাৰ লগতে সকলো মানুহৰে জীৱনৰ উন্নতি সাধনত সহায় হয়৷ বিকাশে অসমৰ বিভিন্ন টিভি চেনেল, যেনে প্ৰতিদিন টাইম আদিত বিভিন্ন সময়ত মটিভেচনেল স্পীকাৰ আৰু লাইফ স্কিল এক্সপার্ট হিচাপে মানুহৰ জীৱন সম্পর্কীয় নানা কথা-বতৰাত ভাগ লৈছে৷ তেওঁ “আমাৰ অসম” কাকতত আৰু মহিলা আলোচনী “নন্দিনী” ত দুটা নিয়মীয়া শিতানো লিখে৷ বিকাশে “বিকাশ কলিতা”(www.bikashkalita.com) নামৰ আন এটা পার্চনেল ডেভেলপমেন্ট ব্লগ লিখে৷

Leave a Reply

Your email address will not be published. Required fields are marked *