৮০/২০ নীতিৰ জৰিয়তে বেছি কাম কৰক

Pareto

আপুনি কৰিবলগীয়া কামৰ সংখ্যা হয়তো বহু বেছি৷ ইমানে বেছি যে আপুনি সেয়া লিখিবলৈ আৰম্ভ কৰিলে বহুকেইটা পৃষ্ঠাৰ প্ৰয়োজন হ’ব৷ ইমানবোৰ কাম কৰিবলৈ থকা বাবে আমাৰ নানা সমস্যা হ’ব পাৰে-

  • কামবোৰ কৰা নোহোৱাকৈ থাকি যায়
  • প্ৰয়োজনীয় কামবোৰ সময়ত সম্পন্ন নহয়
  • আপুনি যিমান যি উন্নতি কৰিম বুলি ভাবিছিল সেয়া হৈ নুঠে
  • কৰিম কৰিম বুলি ভাবিলেও কামবোৰ থাকি যোৱা বাবে আপুনি অফিচত নানা সমস্যাৰ সন্মুখীন হয়
  • কামবোৰ সময়ত নকৰা বাবে আপোনাৰ আন মানুহৰ লগত ব্যক্তিগত সম্পর্কো বেয়া হোৱাৰ উপক্ৰম হয়

আপুনি যিমানবোৰ কাম কৰে তাৰ ভিতৰত আটাইবোৰ কাম সমানে গুৰুত্বপূর্ণ নহয়৷ কিছুমান কাম আপোনাৰ বাবে, আপোনাৰ জীৱনৰ বাবে, আপোনাৰ কেৰিয়াৰৰ বাবে বেছি গুৰুত্বপূর্ণ৷  আনহাতে কিছুমান কাম আপুনি নকৰিলেও একো নহয়৷ কিন্তু আপুনি গম নাপায় কোনবোৰ কাম আগতে কৰিব লাগে আৰু কোনবোৰ কাম পিছত কৰিলেও হয় বা নকৰিলেও হয়৷ ফলত আপুনি অদৰকাৰী কামবোৰ কৰি নিজৰ সময় নষ্ট কৰে কিন্তু লাভ একো নহয়৷ আপুনি কাম কৰিয়েই থাকে, ইমান কাম যে আপোনাৰ পৰিয়ালৰ বাবে বা নিজৰ বাবে কোনো সময়েই নাই, কিন্তু তথাপিও আপোনাৰ কাম কৰি শেষ নহয়৷

এই দুইবিধ সমস্যাৰে সমাধান আছে৷ ৮০/২০ নীতিয়ে আপোনাক সহায় কৰিব পাৰে৷

কি এই নীতি?

৮০/২০ নীতি

এই নীতিমতে আপুনি কৰা কামৰ ২০ শতাংশই মুঠ ফলাফলৰ ৮০ শতাংশ দিয়ে আৰু বাকী ৮০ শতাংশ কামে ফলাফলৰ ২০ শতাংশ অৰিহণা আগবঢ়ায়৷

এয়া হ’ল কাম আৰু ফলাফলৰ ক্ষেত্ৰত এই নীতিৰ ব্যৱহাৰ৷ তেনেদৰে ইয়াক আন ক্ষেত্ৰেতা ব্যৱহাৰ কৰিব পাৰি৷

আপুনি যদি ব্যৱসায় কৰে, তেন্তে,

আপোনাৰ ২০ শতাংশ ক্লায়েন্টে ৮০ শতাংশ টকা-পইচা দিয়ে আৰু বাকী ৮০ শতাংশই মাত্ৰ ২০ শতাংশ টকা-পইচা দিয়ে৷

তেনেদৰে আন আন ক্ষেত্ৰত

আপোনাৰ পাকঘৰৰ ২০ শতাংশ কামত ৮০ শতাংশ সময় যায় আৰু বাকী ৮০ শতাংশ কামত মাত্ৰ ২০ শতাংশ সময় লাগে৷

এই কথাটো কি কামত লাগিব?

আপুনি এই কথাটো বিভিন্ন কামত লগাব পাৰে৷ যি কামৰ পৰা আপোনাৰ ৮০ শতাংশ ফলাফল আহে (ব্যৱসায়ত টকা-পইচা, পঢ়াত ৰিজাল্ট, কামত ফলাফল) আহে সেই ২০ শতাংশ কামত বেছি মনোযোগ দিয়ক৷ বাকী ২০ শতাংশ ফলাফল যি ৮০ শতাংশই দিয়ে সেই ৮০ শতাংশত গুৰুত্ব কমকৈ দিয়ক৷ পাৰিলে সেয়া আন কাৰোবাক কৰিবলৈ দিয়ক৷ ই আপোনাৰ মূল্যবান সময় বচোৱাৰ লগতে আপোনাৰ ফলাফলবোৰো ভাল কৰিবলৈ সুবিধা দিব৷ আপুনি ৮০ শতাংশ ফলাফল অহা ২০ শতাংশ কামত বেছি মনোযোগ দিলে আপোনাৰ ফলাফল জানো বেছি ভাল নহ’ব?

Post Author: বিকাশ কলিতা

বিকাশ এজন মটিভেচনেল স্পীকাৰ, উদ্যোগী (আন্ট্ৰপ্ৰিনৰ), কোচ, কার্যকুশলতা বিশেষজ্ঞ আৰু লিখক, যিয়ে পার্ছনেল ডেভেলপমেন্ট, উদ্যমীতা, কর্মকুশলতা আৰু জীৱনৰ বিভিন্ন বিষয়ে শিকায়৷ তেওঁ মানুহক নিজৰ জীৱন উন্নীত কৰিবলৈ আৰু নিজৰ লক্ষ্যবোৰ লাভ কৰিবলৈ সহায় কৰে৷ বিকাশ সমগ্ৰ উত্তৰ-পূর্বাঞ্চল তথা পূব ভাৰতৰ একমাত্ৰ আৰু প্ৰথম ই-বুক ষ্টোৰ আসামকার্ট (www.assamkart.com) ৰ এজন প্ৰতিষ্ঠাপক৷ আসামকার্টে পৃথিৱীৰ যিকোনো ঠাইৰ পঢ়ুৱৈয়ে অসমীয়া ই-বুক (কিতাপ) মবাইল ফোন আৰু কম্পিউটাৰত পঢ়িব পৰাকৈ যোগান ধৰে৷ বিকাশ Life Skills Training Institute (www.lstionline.com) বা LSTI ৰো এজন প্ৰতিষ্ঠাপক৷ এই অনুষ্ঠানে বিভিন্ন শ্ৰেণীৰ মানুহক মটিভেচনেল আৰু লাইফ স্কিল ট্ৰেইনিং আগবঢ়ায় যাৰ দ্বাৰা যুবক-যুৱতী সকলৰ সমর্থবান কৰাৰ লগতে সকলো মানুহৰে জীৱনৰ উন্নতি সাধনত সহায় হয়৷ বিকাশে অসমৰ বিভিন্ন টিভি চেনেল, যেনে প্ৰতিদিন টাইম আদিত বিভিন্ন সময়ত মটিভেচনেল স্পীকাৰ আৰু লাইফ স্কিল এক্সপার্ট হিচাপে মানুহৰ জীৱন সম্পর্কীয় নানা কথা-বতৰাত ভাগ লৈছে৷ তেওঁ “আমাৰ অসম” কাকতত আৰু মহিলা আলোচনী “নন্দিনী” ত দুটা নিয়মীয়া শিতানো লিখে৷ বিকাশে “বিকাশ কলিতা”(www.bikashkalita.com) নামৰ আন এটা পার্চনেল ডেভেলপমেন্ট ব্লগ লিখে৷

Leave a Reply

Your email address will not be published. Required fields are marked *