আমি যিবোৰ কাম কৰোঁ সেইবোৰ কিয় কৰোঁ

আমি যিবোৰ কাম কৰোঁ সেইবোৰ কিয় কৰোঁ

আমি নানা ধৰণৰ কাম কৰি থাকো৷ বিভিন্ন সময়ত, বিভিন্ন ঠাইত, নানা ধৰণৰ কাম আমি কৰোঁ৷ কেতিয়াবা আপুনি ভাবি চাইছেনে আমি এই কামবোৰ কিয় কৰোঁ?

আমি যিবোৰ কাম কৰোঁ তাৰ দুটা কাৰণ আছে-

(১) আমি যিকোনো ধৰণৰ ফূর্তি (pleasure) লাভ কৰিব খোজো

(২) আমি কষ্ট (pain) ৰ পৰা আতৰি থাকিব খোজো

আমি সকলোৱে জানো যে নিয়মীয়াকৈ ব্যায়াম বা এক্সাচাইজ কৰা খুব প্ৰয়োজনীয়, কিন্তু আমি জানি শুনিও এয়া নকৰোঁ৷ কিয়? কাৰণ ব্যায়াম কৰোতে যি কষ্ট হয় আমি সেই কষ্ট কৰিব নিবিচাৰোঁ৷ ব্যায়াম কৰিলে ঘাম ওলায়, উশাহ চুটি হয়, গাৰ বিষ হয়, গতিকে আমি এইবোৰৰ পৰা আতৰি থাকিব খোজো৷ যদিও আমি জানো যে এক্সাচাইজ নকৰিলে আমাৰ হার্টৰ অসুখ, ডায়েবেটিজ আৰু তেনে আন নানা ৰোগ হ’ব পাৰে, তথাপি আমি কষ্ট কৰিবলৈ অনিচ্ছুক৷

আনহাতে আমি যদি ভয় কৰোঁ যে আমাৰ কিবা এটা বেমাৰ হও হও হৈছে বা ইতিমধ্যে ডায়েবিটিজ বা তেনে আন কিবা বেমাৰ হৈছে, তেতিয়া একেজন মানুহেই কিন্তু ব্যায়াম কৰিব পৰা হৈ পৰোঁ৷

আমি চিনেমা চাই, টিভি চাই ভাল পাওঁ কাৰণ এইবোৰে আমাক আনন্দ বা ফূর্তি প্ৰদান কৰে৷ সেইবাবে ভাল কথাৰ মিটিঙ, ৱর্কশ্বপ বা মটিভেচনৰ ক্লাছতকৈ গায়কৰ গান শুনিবলৈ বা চিনেমা চাবলৈ মানুহৰ ভিৰ বেছি হয়৷ কাৰণ এইবোৰে মানুহক অলপ সময়ৰ কাৰণে হলেও আনন্দ বা ফূর্তি প্ৰদান কৰে৷

বিপদজনক কিবা এটা কৰাৰ লাভ

ওলাই গৈ কিবা এটা বিপদজনক কাম কৰিলে ই কেৱল আপোনাৰ সুপ্ত প্ৰতিভাকে জাগৃত নকৰে, ই আপোনাক নতুন কৌশল শিকাতো সহায় কৰে, যিবোৰে জীৱনত আৰু উন্নতি কৰাত আপোনাক সহায় কৰিব পাৰে।

টিমৱৰ্ক

যদি আপুনি এটা টিম বা দলত কোনো বিপদজনক কাম কৰিবলৈ ওলাইছে, তেন্তে ই আপোনাক টিমৱৰ্ক বা দলবদ্ধভাৱে কাম কৰিবলৈ শিকায়, কাৰণ দলবদ্ধভাৱে কাম নকৰিলে আপনি বাচি থাকিবই নোৱাৰিব। ধৰি লওঁক আপুনি এটা সৰু দলৰ সৈতে জংগললৈ গৈছে ছুটি কটাবলৈ, তেনে ক্ষেত্ৰত আপুনি সকলোৰে সৈতে দলবদ্ধভাৱে কাম কৰিব লাগিব বিপদৰ পৰা হাত সাৰি থাকিবলৈ।

আপুনি যদি এখন নদী পাৰ হোৱাৰ চেষ্টা কৰিছে মাত্ৰ এডাল ৰচী লৈ, তেন্তে আপুনি দলৰ আন সদস্যৰ পৰা সহায় ল’ব লাগিব। একেদৰেই এইটো প্ৰযোজ্য আপোনাৰ ব্যবসায় আৰু চাকৰিস্থান বা প্ৰতিষ্ঠানত। আপুনি যদি বিভিন্ন বিভাগৰ পৰা সহায় সহোযোগ নাপায়, তেন্তে আপুনি বিচৰা কাম এটাত আপুনি সফল হ’ব কেনেকৈ?

সফলতা এক যাত্ৰাৰ নাম

জংগলত বাচি থাকিবলৈ আপুনি বিভিন্ন সমস্যাৰ আৰু বিপদৰ সন্মুখীন হ’ব লাগিব। উদ্যোগী বা আন্ট্ৰপ্ৰিনিয়ৰসকলৰ জীৱন আৰু এটা ব্যবসায় গঢ়ি তোলাৰ ক্ষেত্ৰত এই কথা একেবাৰে খাটে। দুয়োক্ষেত্ৰতে আপুনি সমস্যাবোৰৰ মুখামুখি হৈ এইবোৰৰ উপায় উলিয়াব লাগে যাতে আপুনি সফল হ’ব পাৰে।

নম্ৰতা, ভদ্ৰতা

বিপদজনক কাম এটাই আপোনাক শিকাব নম্ৰতা আৰু ভদ্ৰতা। বিপদৰ সন্মুখীন হ’বলৈ আপোনাক আন মানুহৰ অভিজ্ঞতা আৰু সহায়ৰ প্ৰয়োজন হয়। এই কথাটো বুজি পালে আপুনি নম্ৰতা আৰু ভদ্ৰতাও শিকিব পাৰিব। এই কথাটো আপোনাৰ ব্যক্তিগত জীৱন, কৰ্ম জীৱন আৰু ব্যবসায়ৰ ক্ষেত্ৰতো খাটিব।

আপোনাৰ দৃষ্টিভংগী সলনি কৰক- আৰু কথা শিকক

বিপদজনক কাম বা অভিযানত ওলালে আপোনাৰ দৃষ্টিভংগীৰ এক বিৰাট পৰিৱৰ্তন হয়। আপোনাৰ দৈনিক জীৱন-যাপনৰ দৃষ্টিভংগীৰ লগত তেনে দৃষ্টিভংগীৰ এক গভীৰ পাৰ্থক্য আছে। যেতিয়াই আপোনাৰ দৃষ্টিভংগী সলনি কৰাৰ প্ৰয়োজন আহি পৰে, তেতিয়াই কিবা এটা বিপদজনক কাম কৰক বা অভিযানলৈ যাওঁক।

বিকাশ কলিতা এজন মটিভেচনেল স্পিকাৰ৷ তেওঁ Life Skill Training Institute (LSTI) ৰ এজন প্ৰতিষ্ঠাপক৷ বিকাশ International Coach Federation (ICF) ৰ দ্বাৰা চার্টিফাইড Associate Certified Coach ৷ বিকাশে আমাৰ অসমত মটিভেচন, জীৱন, প্ৰডাক্টিভিটি, আৰু জীৱন বিষয়ক বিভিন্ন কথাৰ ওপৰত নিয়মীয়া শিতান এটা লিখে ৷ লাইফ স্কিল ট্ৰেইনিং ইন্সষ্টিটিউটে লাইফ স্কিল আৰু মটিভেচন প্ৰগ্ৰেম আৰু ট্ৰেইনিং আগবঢ়ায়৷ অসমৰ বিভিন্ন ঠাইত মটিভেচনেল আৰু লাইফ স্কিল অনুষ্ঠান, ৱর্কশ্বপ আৰু এবছৰীয়া প্ৰগ্ৰেম অনুষ্ঠিত কৰাৰ বাবে তলৰ ঠিকনাত যোগাযোগ কৰিব পাৰে৷ Stress, depression, anxiety আৰু আন সমস্যাৰ সমাধানৰ বাবে বা আত্মসন্মান বৃদ্ধি, আত্মবিশ্বাস বৃদ্ধিৰ বাবে কেনেদৰে নিজৰ মানসিক শক্তিক ব্যৱহাৰ কৰিব পাৰি সেয়া জানিবলৈ আৰু কাউঞ্চেলিঙৰ বাবেও তলৰ ঠিকনাত যোগাযোগ কৰিব পাৰে৷ আৰু জানিবলৈ এই ৱেবচাইটটো চাওক http://www.lstionline.in

Leave a Reply

Your email address will not be published. Required fields are marked *

0 Comments
scroll to top