কোনোবাই আপোনাক অপমান কৰিলে আৰু কথাটো বাৰে বাৰে আপোনাৰ মনলৈ আহি আছে৷ আপুনি কিবা ভুল এটা কৰিলে আৰু সেই ভুলটো বাৰে বাৰে আপুনি মনত পেলাই আছে৷ এনে হয় নেকি?
বেয়া বা নিগেটিভ খবৰে সদায় বেছি মনোযোগ পায়৷ পজিটিভ ঘটনাবোৰতকৈ নিগেটিভ ঘটনাবোৰৰ আমাৰ মগজুৰ ওপৰত বেছি প্ৰভাৱ পৰে৷ ইয়াক কোৱা হয় নিগেটিভ বায়াছ বা নিগেটিভিটি বায়াছ৷ নিগেটিভ বায়াছ হ’ল এক প্ৰৱণতা যত আমি অকল নিগেটিভ কথাবোৰক সহজে মন কৰো আৰু সেই ঘটনাবোৰক বাৰে বাৰে চিন্তা কৰি থাকো৷
সেইবাবে কাৰোবাৰ ওচৰত আমাৰ বেয়া ইমপ্ৰেচন গুচোৱা কামটো বৰ কঠিন৷ এই নিগেটিভিটি বায়াছৰ বাবেই আগতে ঘটি যোৱা দুখজনক বা ভয়ংকৰ ঘটনা আমি সহজে পাৰিব নোৱাৰো৷ এইবাবেই কোনোবাই যদি আমাক অপমান কৰি কিবা এটা ক’লে সেয়া আমাৰ দিনটো মনত পৰি থাকে, আনকি পিছদিনাও সেয়া ভালদৰে মনত থাকে আৰু বাৰে বাৰে মনত পৰি থাকে৷
দৈনন্দিন জীৱনৰ যিকোনো ক্ষেত্ৰতে আমি যিকোনো নিগেটিভ কথাক আগতে মন কৰোঁ আৰু সেইবোৰক মনত ৰখাৰ সম্ভাৱনাও বেছি৷
চমুকৈ কথাটো এনে–
- আমি দুখজনক ঘটনাবোৰ পজিটিভ ঘটনাবোৰতকৈ বেছি ভালদৰে মনত ৰাখো
- নিগেটিভ কথাবোৰে সহজে আমাৰ মনক প্ৰভাৱিত কৰে৷
- প্ৰশংসাতকৈ অপমানবোৰৰ কথা বেছি মনত ৰাখো
আমাৰ দৈনন্দিন জীৱনত ইয়াৰ ব্যৱহাৰ
আপোনাৰ মটিভেচনৰ ক্ষেত্ৰতো ইয়াৰ ব্যৱহাৰ হয় আৰু ব্যৱহাৰ কৰিব পাৰি৷ কাম এটা কৰাৰ ক্ষেত্ৰত কামটো কৰিলে কিবা এটা বস্তু পুৰস্কাৰ হিচাপে পোৱাৰ কথাই মানুহক যিমান মটিভেট কৰিব তাতোকৈ কামটো নকৰিলে কিবা এটা হেৰুওৱাৰ কথাই বেছি মটিভেট কৰিব৷ ইয়াক আপুনি কেনেদৰে কামত লগাব পাৰে?
আমি লক্ষ্য এটা লাভ কৰিবলৈ কাম কৰাত ফ’কাছ কৰাতকৈ সাধাৰণতে কামটো কৰিবলৈ গ’লে কি কি ত্যাগ কৰিব লাগিব তাত হে বেছি ফ’কাছ কৰোঁ৷ বহুতে লক্ষ্য কিছুমান বাচি লৈ সেইবোৰ লাভ কৰিবলৈ কাম নকৰে কাৰণ তেতিয়া তেওঁ টিভি চোৱা কমাব লাগিব, মবাইল ফোনত ভিডিঅ চোৱা কমাব লাগিব, বন্ধু-বান্ধৱৰ লগত বহি প্ৰতিদিনে মদ খাই আড্ডা মৰা কমাব লাগিব৷ তেনে মানুহৰ বাবে এনে ধৰণৰ ত্যাগ কৰাতকৈ এনে লক্ষ্য লাভ কৰিবলৈ চেষ্টা নকৰাই ভাল৷
কিবা এটা লক্ষ্য লাভ কৰিবলৈ, কাম কৰি গ’লে কি লাভ কৰিব তাত ফ’কাছ কৰাতকৈ আপুনি কামটো নকৰিলে কি কি হেৰুৱাব তাত ফ’কাছ কৰিলে কিছুমান ক্ষেত্ৰত মটিভেচন বেছি হ’ব৷
নিগেটিভ বাতৰি এটা সাধাৰণতে আমি সত্য বুলি ধৰি লোৱাৰ সম্ভাৱনা বেছি৷ সেইবাবেই নিগেটিভ খবৰে মানুহৰ চকু, কাণ, মন বেছি আকর্ষণ কৰে৷
কিছুমান মানুহে ঐতিহ্য আৰু নিৰাপত্তাক বেছি গুৰুত্ব দিয়ে আৰু সালসলনিক বা অস্পষ্ট কথাবোৰক ভয় কৰে আৰু আনহাতে আন কিছুমানে সালসলনি ভাল পায় আৰু অস্পষ্ট কথাবোৰকো গ্ৰহণ কৰিব পাৰে৷ সেয়াও হয় নিগেটিভিটি বায়াছৰ বাবে৷
সম্পর্কবোৰৰ ক্ষেত্ৰত ইয়াৰ ব্যৱহাৰ
অহাইও ষ্টেট ইউনিভার্ছিটিৰ John Cacioppo, Ph.D. এ কৰা গৱেষণাৰ মতে আমাৰ মগজুটোৱে নিগেটিভ উদ্দীপনাৰ প্ৰতি বেছি শক্তিশালীভাৱে প্ৰতিক্ৰিয়া কৰে৷ এটা সম্পর্কৰ ক্ষেত্ৰত দুয়োগৰাকী মানুহৰ মাজত পজিটিভ আৰু নিগেটিভ বেলেঞ্চ এটা থাকিব লাগিব৷ স্বাস্থ্যৱান বা ভাল বিবাহবোৰৰ ক্ষেত্ৰত এনে এক বেলেঞ্চ অট’মেটিকেলী ৰাখিবলৈ এক থার্মষ্টেট থাকে৷ ভাল সম্পর্ক এটাৰ ক্ষেত্ৰত, আনকি সঘনাই কাজিয়া হোৱা দম্পত্তীসকলৰ ক্ষেত্ৰতো এনে মৰম আৰু পেচনে তেনে কাজিয়াক বেলেঞ্চ কৰি ৰাখে৷
এটা সুস্বাস্থ্যৱান সম্পর্কৰ লাভ কৰিবলৈ হ’লে স্বামী আৰু স্ত্ৰীৰ মাজত পজিটিভ আৰু নিগেটিভ দুয়োটাৰ এক নির্দিষ্ট ৰেচিঅ বা অনুপাত থাকিব লাগিব৷ গৱেষণাকাৰীসকলে এই নির্দিষ্ট অনুপাতটো বিচাৰি পাইছে৷ এই মেজিক ৰেচিঅ বা অনুপাতটো হ’ল ৫:১ (ফাইভ টু ৱান)৷ স্বামী আৰু স্ত্ৰীৰ মাজত যদি নিগেটিভৰ পাঁচগুণ বেছি পজিটিভ ভাৱ আৰু আদান-প্ৰদান থাকে তেতিয়া সেই সম্পর্ক টিকি থাকিব৷ ডিভর্ছ হোৱা সকলৰ এই পজিটিভ আদান-প্ৰদান থাকিবলগীয়াতকৈ বহুত কম৷
আমাৰ জীৱনৰ ক্ষেত্ৰতো ই কামত আহিব পাৰে৷ সৰু সৰু পজিটিভ কামবোৰ যদি আমি এই একে অনুপাততে কৰোঁ মানে ৫:১ ৰেচিঅত কৰোঁ, তেতিয়া আমিও জীৱনত সুখী হ’ব পাৰিম৷ নিগেটিভ যি এক বায়াছ আমাৰ থাকে তাক অতিক্ৰম কৰিবলৈ এনে সৰু সৰু পজিটিভ কামবোৰে, অভিজ্ঞতাবোৰে আমাক সহায় কৰিব আৰু তেতিয়া আমি সুখী হ’ব পাৰিম৷