আমি ভাবো যে আমি নিজৰ জীৱনটো নিয়ন্ত্ৰণ কৰি থাকো৷
আপুনি নিয়ন্ত্ৰণ মাত্ৰ এটা কথাই কৰিব পাৰে- আপুনি কেনেদৰে খেলিব৷
আপুনি মাত্ৰ এটা কথাহে নিয়ন্ত্ৰণ কৰিব পাৰে- আপুনি কামটো কেনেদৰে কৰিব৷
তাৰ বাহিৰে আন একো কথাই আপোনাৰ নিয়ন্ত্ৰণত নাই৷ গতিকে আপুনি আপোনাৰ সম্পূর্ণ মনোযোগ দিব লাগিব আপোনাৰ হাতত থকা কথাটোতহে৷ প্ৰতিটো কথাৰ ফলাফলৰ লগত ইমানবোৰ, নানা ধৰণৰ ভেৰিয়েবল জড়িত হৈ আছে, যিবোৰক নিয়ন্ত্ৰণ কৰাটো কোনো মানুহৰে পক্ষে সম্ভৱ নহয়৷ এটা দুটা তেনে ভেৰিয়েবল নিয়ন্ত্ৰণ কৰিব পাৰিলেও সকলোবোৰ কৰাটো সম্ভৱ নহয়৷
আপুনি যদি ফুটবল, ক্ৰিকেট বা তেনেকুৱা টিম স্পর্ট এটা খেলিছে, তেতিয়া আপোনাৰ হাতত নাই আপোনাৰ লগৰ খেলুৱৈবোৰে কেনেদৰে খেলিব৷ আপোনাৰ হাতত নাই ৰেফাৰী বা আম্পায়াৰে কি কৰিব৷ আনটো টিমে কেনেদৰে খেলিব সেয়াও আপোনাৰ হাতত নাই৷ খেলৰ ফলাফল কেনে হ’ব, বতৰ কেনে হ’ব ইত্যাদি কথাও আপোনাৰ হাতত নাই৷ আপোনাৰ হাতত আছে মাত্ৰ এটা কথা – আপুনি কেনেদৰে খেলিব৷
আনকি কালি আপুনি কেনেদৰে খেলিছিল সেয়া আপোনাৰ হাতত নাই৷ আপোনাৰ হাতত আছে মাত্ৰ – আজি এই সময়ত আপুনি কেনেদৰে খেলিব৷
আমাৰ জীৱনতো আমাৰ নিয়ন্ত্ৰণত, আমাৰ হাতত একো কথাই নাই একমাত্ৰ সেই কথাতো বাদ দি –মই কেনেকৈ কামটো কৰিম- আপুনি কেনেকৈ হাতত থকা কামটো কৰিব৷ আন কিছুমান নিয়ন্ত্ৰণ আপোনাৰ হাতত নাই৷ কালি আপুনি কি কৰিছিল তাতো নিয়ন্ত্ৰণ আপোনাৰ নাই৷ আপুনি মাত্ৰ এই সময়ত কি কৰিব পাৰে তাতহে আপোনাৰ নিয়ন্ত্ৰণ আছে৷
কামটোৰ ফলাফল আপুনি বিচাৰিব পাৰে, আশা কৰিব পাৰে৷ কিন্তু তেনে হ’বই বুলি কোনো নিশ্চয়তা নাই৷
আপোনাৰ হাতত মাত্ৰ আছে আপুনি কেনেদৰে খেলিব৷ তাৰমানে আপুনি দুটা কাম নিয়ন্ত্ৰণ কৰিব পাৰে- আপোনাৰ কাম আৰু আপোনাৰ ক্ষেত্ৰত ঘটা ঘটনাৰ ক্ষেত্ৰত আপোনাৰ প্ৰতিক্ৰিয়া৷ আপুনি কেনেদৰে, কি কাম কৰিব সেয়া আপুনি নিজে ঠিৰাং কৰিব পাৰে৷ কিন্তু তাৰ ফলাফল নোৱাৰে৷ লগতে আপোনাৰ ক্ষেত্ৰত ঘটা নানা ধৰণৰ ক্ৰিয়াৰ ক্ষেত্ৰত, ঘটনাৰ ক্ষেত্ৰত যদিও কি ঘটিব সেয়া আপুনি ঠিৰাং কৰিব নোৱাৰে, আপোনাৰ প্ৰতিক্ৰিয়া কেনে হ’ব সেয়া কিন্তু আপুনি ঠিৰাং কৰিব পাৰে৷
আৰু কেতিয়াবা কি কাম কৰিব সেয়া ঠিৰাং কৰিব নোৱাৰিলেও কামটো কেনেদৰে কৰিব সেয়া কিন্তু আপুনি নিজে খাটাং কৰিব পাৰে৷ এই ক্ষেত্ৰত আপোনাক কোনেও বাধা দিব নোৱাৰে, ৰখাব নোৱাৰে৷
আপোনাৰ ক্ষেত্ৰত ঘটা ঘটনাবোৰৰ প্ৰতি নিজৰ প্ৰতিক্ৰিয়াবোৰ আপুনি নিজে নিয়ন্ত্ৰণ কৰিব পাৰে৷ কেতিয়াও নকৰিলে কামটো আপোনাৰ টান যেন লাগিব পাৰে, কিন্তু অভ্যাস কৰিলে এনে প্ৰতিক্ৰিয়াৰ নিয়ন্ত্ৰণ আপোনাৰ নিজৰ হাতলৈ আহিব৷
আন মানুহে আপোনাৰ বিষয়ে কি ক’ব, কি ভাবিব সেয়াও আপোনাৰ নিয়ন্ত্ৰণত নাই৷ তেওঁলোকে আপোনাক ভাল পাব নে বেয়া পাব সেয়াও আপুনি নিয়ন্ত্ৰণ কৰিব নোৱাৰে৷
আপোনাৰ নিজৰ বাবে, জীৱনৰ বাবে আপুনি ফ’কাছ কৰিব লাগিব কোনবোৰ কথা আপুনি নিয়ন্ত্ৰণ কৰিব পাৰে সেইবোৰতহে৷ বর্তমান সময়টোত কেনেদৰে খেলিব তাতহে আপুনি ফ’কাছ কৰিব লাগিব৷
আপুনি মাত্ৰ মনত ৰাখিব আপুনি এটা কথা সদায় নিয়ন্ত্ৰণ কৰিব পাৰিব, আজি পাৰে, কাইলৈও পাৰিব- আপুনি কেনেকৈ খেলিব সেয়া আপুনি সদায় নিয়ন্ত্ৰণ কৰিব পাৰিব৷