Close

তীব্ৰ ফ’কাছেৰে সৈতে কেনেদৰে পঢ়িব

স্কুল বা কলেজ বা ইউনিভার্ছিটিত পঢ়া ছাত্ৰছাত্ৰীসকলৰ এটা সমস্যা হল তেওঁলোকে পঢ়িব বিচাৰে কিন্তু নানা কাৰণত পঢ়িব নোৱাৰে৷ মন থাকিলেও, নানা ধৰণৰ ডিচট্ৰেকচন, চিন্তা আদিৰ বাবে তেওঁলোকে পঢ়িব নোৱাৰে৷ তেওঁলোকৰ ফকাচ নাথাকে৷ মনটো আন কৰবালৈ গৈ থাকে৷ এনে সমস্যাবোৰ নাইকিয়া কৰি তীব্ৰ ফকাছ কেনেদৰে পঢ়াত আনিব পাৰি সেয়া চাও আহক৷

এটা সময়ত এটা কামহে কৰক

আমাৰ মগজুটোৱে এটাৰ পিছত এটাকৈ কাম কৰিব পাৰে, একেলগে দুই তিনিটা কাম ভালদৰে কৰিব নোৱাৰে৷ সেইবাবে নিজৰ মনটো পঢ়া কামটোত লগাবলৈ হলে, কাছ বঢ়াবলৈ হলে এটা সময়ত এটা কামহে কৰক৷ যদি পঢ়ি অছে মাত্ৰ পঢ়কহে৷মাজে মাজে মবাইল ফোনটো উলিয়াই হোৱাটছএপ মেচেজ, ইনষ্টাগ্ৰাম ফটো, ভিডিঅ এটা চোভা বা গেইম এটা খেলা কামটো নকৰিব৷ এবাৰ আৰম্ভ কৰিলে আপুনি তেনে ডিচট্ৰেকচন এটাক এৰাটো বৰ টান হৈ পৰে৷ পঢ়ি থকা সময়ত আন সকলোবোৰ চিন্তাক পিছত আহিবলৈ কব৷

এদিনত বা কেইঘন্টামানত আপুনি কি পঢ়িব বিচাৰে সেয়া ঠিক কৰি লওক৷যিবিলাক কথাই আপোনাৰ মনোযোগ আনফালে নিয়ে বা ডিচট্ৰেক্ট কৰে সেইবিলাকক যিমান পাৰে অতৰাই থওক৷ যেনে নিজৰ ফোনটো দূৰত থৈ আহক৷ যদি কাৰোবাৰ ফোন আহে আপুনি সদায় কল বেক কৰিব পাৰিব৷ সেই সময়ত ফোনটো নধৰিব৷ মুঠতে সেই সময়ছোৱাত কোনোপধ্যে কোনো এটা মনোযোগ নোহোৱা কৰা বস্তু বা সঁজুলিক তেনে কৰিবলৈ নিদিব৷ তেতিয়াও মনটো ইফালসিফালে যাব, কিন্তু ইফালেসিফালে যোৱা মনটোক জোৰকৈ আকৌ টানি আনি পঢ়া কামটোত লগাই দিব৷ যিমানবাৰ প্ৰয়োজন হয়, তেনে কৰিব৷ প্ৰথমতে সেয়া  টান হ, কিন্তু কিছুদিন পিছত সেয়া আপোনাৰ বাবে সহজ হৈ পৰিব৷ কাৰণ তেতিয়ালৈ এয়া অপোনাৰ অভ্যাস হৈ পৰিব৷

সপ্তাহটোৰ পৰিকল্পনা কৰক

এই সপ্তাহত কি কি পঢ়িব সেই কথা আগতেই ঠিক কৰি লওক আৰু সেই মতেহে কাম কৰক৷ এই পৰিকল্পনা নাথাকিলে অপোনাৰ বহুত সময় এনেয়ে নষ্ট হএতিয়া কি পঢ়িমসেই চিন্তা কৰি৷ কিন্তু যদি আগতেই কি পঢ়িব সেয়া ঠিক কৰি থয়, তেতিয়া আপোনাৰ কাম হল আজিৰ দিনটোৰ পঢ়িবলগীয়া খিনি লোৱা আৰু পঢ়া আৰম্ভ কৰা৷ মাত্ৰ নিজকে কঠোৰভাৱে নিয়ন্ত্ৰণ কৰিব যাতে পঢ়াখিনি শেষ নোহোৱালৈকে আপুনি আন একো কাম নকৰে বা মনোৰঞ্জনৰ একো কথা নাভাবে৷

ৰেষ্ট লওক

তীব্ৰ ফকাছেৰ সৈতে পঢ়িবলৈ হলে আপুনি প্ৰয়োজন অনুসৰি জিৰণি লব লাগিব৷ ৭ ৰ পৰা ৮ ঘন্টা শোৱক৷ ই আপোনাক ৰাতিপুৱা এক ফ্ৰেছ মন লৈ উঠিবলৈ সহায় কৰিব৷ তেনেদৰে পঢ়ি থাকোতে পঢ়াৰ মাজে মাজে ৰেষ্ট লওক৷ বেলেগ বেলেগ এক্সাপার্টৰ মত বেলেগ বেলেগ যদিও আপুনি নিজৰ মনোযোগ ৪৫ মিনিটৰ পৰা এঘন্টা মানলৈ ধৰি ৰাখিব পাৰে, গতিকে সিমান সময়ৰ মূৰে মূৰে ১৫ মিনিট মান সময়ৰ বাবে জিৰণি লওক বা বেলেগ কিবা এটা কৰক৷

এখন ৰুটিন বনাই লওক

আপুনি যদি এখন ৰুটিন বনাই লব পাৰে তেতিয়া মন নগলেও পঢ়িব পাৰিব৷ তেতিয়া মটিভেচন নাথাকিলেও পঢ়িব পাৰিব৷ আপুনি মাত্ৰ ৰুটিন এখন বনাই লব লাগে আৰু সেইখন যেনেদৰে আছে তেনেদৰে অনুসৰণ কৰি যাব লাগে৷ এই ৰুটিনখনৰ বাবে আপোনাৰ ধৈর্য বাঢ়িব, কাছ বাঢ়িব, কনচিষ্টেনচি বাঢ়িব৷ এই ৰুটিনখন অনুসৰণ কৰিলে আপুনি আগতকৈ বেছি ফকাছেৰে পঢ়া কামবোৰ কৰিব পাৰিব৷ এবাৰ যদি ৰুটিনখন বনাই লৈছে, তেনেহলে আজি শেষ কৰিবলগীয়া কামটো শেষ নকৰালৈকে নেৰিব৷

এনে ৰুটিন এখন অনুসৰণ কৰি কাম কৰিলে আপোনাৰ বহুত কাম কৰা হব আৰু তেতিয়া সেই কথাটোৱে আপোনাক আৰু পঢ়িবলৈ মটিভেট কৰিব৷

কাছ বঢ়াব পাৰিব নে নোৱাৰিব সেয়া আপোনাৰ মনৰ মাজতে আছে৷ ফকাছ বঢ়াই নিজৰ কৰিবলগীয়া কামবোৰ কৰা শক্তি আৰু সামর্থ অপোনাৰ মনৰ মাজতে লুকাই আছে, আপুনি মাত্ৰ তাক বিচাৰি লব লাগে৷

বিকাশ কলিতা এজন মটিভেচনেল স্পিকাৰ৷ তেওঁ Life Skill Training Institute (LSTI) ৰ এজন প্ৰতিষ্ঠাপক৷ বিকাশ International Coach Federation (ICF) ৰ দ্বাৰা চার্টিফাইড Associate Certified Coach ৷ বিকাশে আমাৰ অসমত মটিভেচন, জীৱন, প্ৰডাক্টিভিটি, আৰু জীৱন বিষয়ক বিভিন্ন কথাৰ ওপৰত নিয়মীয়া শিতান এটা লিখে ৷ লাইফ স্কিল ট্ৰেইনিং ইন্সষ্টিটিউটে লাইফ স্কিল আৰু মটিভেচন প্ৰগ্ৰেম আৰু ট্ৰেইনিং আগবঢ়ায়৷ অসমৰ বিভিন্ন ঠাইত মটিভেচনেল আৰু লাইফ স্কিল অনুষ্ঠান, ৱর্কশ্বপ আৰু এবছৰীয়া প্ৰগ্ৰেম অনুষ্ঠিত কৰাৰ বাবে তলৰ ঠিকনাত যোগাযোগ কৰিব পাৰে৷ Stress, depression, anxiety আৰু আন সমস্যাৰ সমাধানৰ বাবে বা আত্মসন্মান বৃদ্ধি, আত্মবিশ্বাস বৃদ্ধিৰ বাবে কেনেদৰে নিজৰ মানসিক শক্তিক ব্যৱহাৰ কৰিব পাৰি সেয়া জানিবলৈ আৰু কাউঞ্চেলিঙৰ বাবেও তলৰ ঠিকনাত যোগাযোগ কৰিব পাৰে৷ আৰু জানিবলৈ এই ৱেবচাইটটো চাওক http://www.lstionline.in

Leave a Reply

Your email address will not be published. Required fields are marked *

0 Comments
scroll to top