The rocking chair method
কঠিন সিদ্ধান্ত এটা ল’বলৈ অসুবিধা পাইছে৷ বৰ টান সিদ্ধান্তটো?
ই তেনেই সহজ
ঘৰত যদি ৰকিং চেয়াৰ আছে তেনেহ’লে তাত বহক৷ যদি নাই তেনৈ’লে মেৰুদণ্ড চিধাকৈ এঠাইত বহি লওক৷ ঠাইটুকুৰা গণ্ডোগল নথকা, শান্ত ঠাই এটুকুৰা হ’ব লাগে৷ এতিয়া কল্পনা কৰক অপাওৰন বয়স ৮৫ বছৰ আৰু আপুনি ৰকিং চেয়াৰ এখনত বহি আছে৷ নিজৰ জীৱনটো এই ৮৫ বছৰ কেনেদৰে পাৰ হ’ল সেয়া আপুনি তাত বহি মনত পেলাই আছে৷ এতিয়া আপুনি যিটো কাম কৰিব নে নকৰিব সেয়া থিৰাং কৰিব পৰা নাই সেই কামটো কৰিছিল বুলি কল্পনা কৰক৷ আপোনাৰ জীৱনটো এতিয়া কেনে হ’ব? কল্পনা কৰক৷ কেৰিয়াৰ সলনি কৰা, কাৰোবাক বিয়া পতা, চাকৰি এৰি নিজৰ কাম কৰা, বা আন তেনে কিবা গুৰুত্বপূর্ণ সিদ্বান্ত ই হ’ব পাৰে৷ আপুনি কামটো কৰিলে বুলি কল্পনা কৰোতে আপোনাৰ কেনে লাগিছে, কেনে অনুভৱ হৈছে? সেই সিদ্ধান্তটোৰ বাবে আপোনাৰ জীৱনটো কেনে হৈ পৰিছে?
এতিয়া আকৌ এবাৰ কল্পনা কৰা আৰম্ভ কৰক৷ এইবাৰ আপুনি যিটো কাম কৰিম নে নকৰিম বুলি ভাবি আছিল সেই কামটো নকৰিলে৷ ভালদৰে কল্পনা কৰক৷ আপুনি ভয় বা আন কিবা কাৰণত যদি এয়া নকৰিলে তেতিয়া আপোনাৰ কেনে অনুভৱ হৈছে? জীৱনটো কেনে হৈ পৰা যেন অনুভৱ হৈছে? কামটো নকৰাৰ বাবে কিবা অনুতাপ বা দুখ আছে নেকি? ৮৫ বছৰত পাৰ হৈ অহা জীৱনটোৰ ফালে ঘূৰি চালে সেই কামটো নকৰাৰ বাবে মনটো বেয়া লাগইছে নেকি, চকুপানী ওলাই আহিছে নেকি? আপোনাৰ এনে লাগিছে নেকি যে সেই কামটো কৰাই ভাল আছিল?
এতিয়া চকু মেলক আৰু দুয়োবাৰ কৰা কল্পনাৰ বাবে লাভ কৰা অনুভৱবোৰ, আভেগবোৰ তুলনা কৰি চাওক আৰু সেইমতে যিটো আপোনাৰ মতে বেছি ভাল সেইমতে কাম কৰক৷
