মোৰ মাৰ বেমাৰ, সেয়া মোৰ বাবে এক ডিচট্ৰেকচন হৈ পৰে৷ কেনেদৰে মই মোৰ কাম কৰিব পাৰিম এনে দিচট্ৰেকচন বোৰ থকা স্বত্বেও
আপোনাৰ মাৰ বেমাৰ যদি আপুনি তেওঁৰ যিমান পাৰে সিমান যত্ন ল’ব লাগিব, যিমান সময় দিব পাৰে সিমান সময় দিব লাগিব৷ এয়া ডিচট্ৰেকচন বুলি ভবাতকৈ আপুনি আপোনাৰ দ্বায়িত্ব পালন কৰাৰ আৰু মৰম দেখুওৱাৰ এটা সুবিধা বুলিও ইয়াক গ্ৰহণ কৰিব পাৰে৷
এতিয়া কথা হ’ল যদি আপুনি আপোনাৰ কাম কৰিব বিচাৰে কিন্তু কিবা এটা কাৰণে কৰিব পৰা নাই তেতিয়া আপুনি কি কৰিব পাৰে৷ যিকোনো ডিচট্ৰেকচনৰ ক্ষেত্ৰত আনকি মবাইল ফোন, টিভি, আদিৰ ক্ষেত্ৰতো ই কাম কৰিব৷
ইয়াত দুটা ষ্টেপ আছে৷
প্ৰথম ষ্টেপত আপুনি জানিব লাগিব, বিচাৰি উলিয়াব লাগিব আপুনি যি কামটো কৰিব বিচাৰিছে সেয়া কিয় কৰিব বিচাৰিছে সেয়া কিয় কৰিব বিচাৰিছে৷ অর্থাৎ কামটো কৰাৰ কাৰণটো কি? আপুনি যি কামেই নকৰক কিয় সেই কামৰ ক্ষেত্ৰতে এই কাৰণটো লাগিবই৷ যদি এটা কাম কৰাৰ কাৰণটো আপোনাৰ বাবে ডাঙৰ নহয়, গুৰুত্বপূর্ণ নহয়, তেন্তে এনেয়েও কিছুদিন পিছত আপুনি সেই কামটো কৰাটো বাদ দিব৷ প্ৰথমে কাইলৈ কৰিম বুলি থব, তাৰ পিছত নানা অজুহাত দেখুৱাব নকৰাকৈ থকাৰ বাবে আৰু লাহে লাহে সেই কামটো কৰিবলৈ এৰিব৷ গুৰুত্বপূর্ণ কাৰণ এটা নাথাকিলে আপুনি কেতিয়াও কাম এটা নিয়মীয়াকৈ কৰি থাকিব নোৱাৰে৷ কাৰণটো গুৰুত্বপূর্ণ নহ’লে, ডাঙৰ নহ’লে ই নিয়মীয়াকৈ কৰিবলৈ আৰু আনকি কৰি থাকিবলৈও আপোনাক মটিভেট কৰিব নোৱাৰিব৷ গতিকে প্ৰথমতে সেই কাৰণটো বাচি লওক৷
কেতিয়াবা কাৰণ থকাৰ পিছতো নানা কাৰণত, নানা সমস্যাৰ মুখামুখি হৈ, আমি কৰিব বিচৰা কামবোৰ কৰিব নোৱাৰোঁ৷ তেতিয়া আপোনাক লাগিব দ্বিতীয় ষ্টেপটো৷
আপুনি বিচাৰি উলিয়াব লাগিব কোনকেইটা কাম আপোনাৰ বাবে গুৰুত্বপূর্ণ আৰু আপুনি সদায় সেই কেইটা কৰিব বিচাৰে৷ প্ৰয়োজন হ’লে সেইকেইটা এখন নোটবুকত লিখি লওক, অথবা টু ডু লিষ্ট এখন বনাই তাত মষ্ট ইম্পৰটেন্ট ৱর্ক ৰ ভিতৰত ভৰাই লওক৷ প্ৰতিদিনে আপুনি এই কেইটা কাম কৰিবই৷ তেনে কাম বেছি নহয় তিনি, চাৰি বা পাঁচটা মান হে হ’ব৷ আৰু এই কেইটা প্ৰতিদিনে আপুনি কৰিবই৷ কিন্তু কোন কেইটা কাম আপুনি কৰিব? এই কাম কেইটা আহিব ক’ৰপৰা? এই কেইটা সেই কেইটা কাম যিকেইটা কাম সদায় কৰিলে এইবোৰ লগ হৈ এটা সময়ৰ অন্তত আপুনি কৰিব বিচৰা কামবোৰ কৰাত সহায় কৰিব, আপুনি বিচৰা ফলাফল লাভ কৰাত আপোনাক সহায় কৰিব৷
মাৰ বেমাৰ হলে আপুনি এই কেইটা কাম কৰিব পাৰিব জানো? পাৰিব৷ আনকি মাৰ বেমাৰ হলেও আপুনি সেই কেইটা কাম কৰিব পাৰিব৷ মই এটা প্ৰশ্ন সোধো- মাৰ বেমাৰ বুলি আপুনি দিনটোৰ কিমান সময় মাৰ লগত খৰছ কৰিছে? এঘন্টা, দুঘন্টা, চাৰিঘন্টা? দিনটোত চবিবশ ঘন্টা থাকে৷ কামকেইটা কৰোতে যদি মাত্ৰ এঘন্টা বা দুঘন্টাহে লাগে তেতিয়াও নোৱাৰিব নে কৰিব সেই কেইটা কাম? আৰু হয়তো বেছিভাগ কাম আপোনাৰ হাতত থকা মবাইল ফোনটো বা এখন নোটবুকৰ সহায়তেই কৰিব পাৰি, মাত্ৰ হয়েতা আজি আপুনি নাজানে কেনেদৰে মবাইল ফোনটো বা নোটবুক এখনক টুল বা সঁজুলি হিচাপে ব্যৱহাৰ কৰিব পাৰি৷ সেয়া শিকি ল’লেই আৰু কৰিব বিচৰা প্ৰয়োজনীয়, গুৰুত্বপূর্ণ কামবোৰ কৰাটো সম্ভৱ হৈ পৰিব৷
