মই কেনেদৰে নিজকে আৰু ভাল কৰি তুলিব পাৰোঁ
আপুনি যদি নিজকে আজিতকৈ ভাল কৰি তুলিব খোজে, আগতকৈ ভাল কৰি তুলিব খোজে তেন্তে এটা সহজ উপায় আছে৷ ই আপোনাক আজিতকৈ ভাল হোৱাত সহায় কৰিব, জীৱনটো আগতকৈ ভাল কৰাত সহায় কৰিব৷
এই উপায়টো হ’ল ক্ৰমাগত উন্নতি যাক কনটিনিউয়াছ ইমপ্ৰুভমেন্ট বুলি কোৱা হয়৷ কনটিনিউয়াচলি ইমপ্ৰুভ কৰি গৈ থাকিব লাগিব৷
তাৰমানে আপুনি প্ৰতিদিনে আগতকৈ আৰু অলপ ভাল হৈ গৈ থাকিব লাগিব, আগতকৈ ভালদৰে কামবোৰ কৰিবলৈ চেষ্টা কৰিব লাগিব, আগতকৈ অলপ ভালকৈ আনৰ লগত ব্যৱহাৰ কৰিব লাগিব ইত্যাদি৷ আপুনি যদি আগতকৈ স্মার্ট হ’ব খোজে তাত ইয়াক ব্যৱহাৰ কৰিব পাৰিব, আপুনি যদি নিজৰ পার্চনেলিটি আগতকৈ আকর্ষণীয় কৰিব বিচাৰে তাতো ইয়াক ব্যৱহাৰ কৰিব পাৰিব৷ টকা-পইচাৰ বেছি কৰিব বিচাৰে বা বেছিকৈ ঘটিব বিচাৰে সেই কামতো ইয়াক ব্যৱহাৰ কৰিব পাৰিব৷ ইংৰাজী ক”ব নোৱাৰে কিন্তু ক’ব বিচাৰে সেই কামতো কনটিনিউয়াচ ইমপ্ৰুভমেন্টক ব্যৱহাৰ কৰিব পাৰিব৷
আগতকৈ ভাল হ’বলৈ হ’লে জীৱনৰ সকলো ফালেই আপুনি ক্ৰমাগত উন্নতি বা কনটিনিউয়াছ ইমপ্ৰুভমেন্ট কৰিব লাগিব৷ ব্যক্তিগত, অর্থনৈতিক, সম্পর্কবোৰৰ ক্ষেত্ৰত- সকলো ফালেই লাহে লাহে অলপ অলপকৈ উন্নতি কৰি গৈ থাকিলে জীৱনটো আগতকৈ ভাল হৈ গৈ থাকিব৷
এয়া কৰিব পাৰিলে আপোনাক আৰু আন একো নালাগে৷