30 Day Journaling Challenge
আপোনাৰ বাবে এইবাৰৰ প্ৰত্যাহ্বান হ’ল ৩০ দিনৰ জার্ণেলি চেলেঞ্জ
জার্নেলিং মানে আপোনাৰ মনৰ কথাবোৰ কোনোবা এঠাইত লিখি যোৱা৷ মনৰ বিভিন্ন ধৰনৰ কথাবোৰ, আৱেগবোৰ, অনুভূতিবোৰ, চিন্তাবোৰ, লক্ষ্যবোৰ আপুনি কোনোবা এঠাইত লিখি যোৱা৷ আপুনি নোটবুক এটা, ডায়েৰী এটা বা আনকি নিজৰ মবাইল ফোন, টেবলেট বা কম্পিউটাৰতো সেয়া লিখিব পাৰে৷
কিন্তু আপুনি সেয়া কিয় কৰিব লাগে? জার্ণেলিঙ কৰিলে আপোনাৰ কি লাভ হ’ব? চাও আহক৷
জার্নেলিং কৰিলেনো আপোনাৰ কি লাভ হ’ব?
ষ্ট্ৰেছ কমি যাব
আপুনি যেতিয়া নিজৰ অনুভৱবোৰৰ কথা লিখিব তেতিয়া আপোনাৰ সকলোবোৰ উদ্বিগ্নতা, হতাশা, দুখ, কষ্ট, যন্ত্ৰণা আদিৰ কথা আপুনি জার্নেলখনত লিখিব পাৰিব৷ তাৰ ফলত আপোনাৰ ষ্ট্ৰেছ কমি যাব৷ আপোনাৰ যিদ ক’বলৈ কোনো নাই বা কাৰো আগত আপুনি সেইবোৰ কথা ক’ব নিবিচাৰে তেন্তে আপুনি জার্ণেলখনত সেই সকলোবোৰ লিখিব পাৰে৷
চেলফ ৰিফ্লক্ট বা আত্ম প্ৰতিবিম্ব চোৱাৰ সুবিধা
নিজৰ বিষয়ে চেলফ ৰিফ্লেক্ট কৰিবলৈ ই সহায় কৰিব৷ আমি বহু সময়ত গমেই নাপাও জীৱনটো কোনফালে গৈ আছে৷ কেতিয়াবা ই বহুত স্পিড গৈ থাকিব পাৰে৷ জার্নেলখনে আপোনাক সহায় কৰিব নিজৰ বর্তমানৰ অৱস্থাৰ বিষয়ে জনাত যাতে আপুনি যি কৰিবলগীয়া আছে সেয়া কৰিব পাৰে৷ ই আপোনাক অলপ ৰৈ কথাবোৰ ভালদৰে জুকিয়াই চাবলৈ সুবিধা দিয়ে৷
আত্মসচেতনতা বাঢ়িব
আপুনি জার্ণেলখনত নিজৰ বিষয়ে নানা কথা লিখে, নিজৰ মনৰ অৱস্থা, চিন্তাবোৰ, অনুভৱবোৰ, ভয়, উদ্বেগ আদি নানা কথা তাত থাকে৷ ফলত আপুনি নিজৰ বিষয়ে আগতে নজনা বহু কথা জানিব পাৰে৷ নিজৰ আত্মসচেতনতা লাভ কৰাৰ বা বঢ়োৱাৰ ই এটা খুব ভাল সুবিধা৷
আপোনাৰ মাইণ্ডফুলনেচ বঢ়াব
মাইণ্ডফুলনেছ আৰু সুখৰ মাজত এটা গভীৰ সম্পর্ক আছে৷ অতীতৰ হতাশা অৰু ভবিষ্যতৰ উদ্বেগবোৰে বর্তমানৰ সময়ত সন্মুখত সিহঁতৰ চোক হেৰুৱাই পেলায় আৰু আপুনি বর্তমান সময়ত বেছি ভালদৰে জীয়াই থাকিব পৰা হয়৷
লক্ষ্যবোৰ লাভ কৰাত সহায় কৰিব
আপোনাৰ সপোনবোৰ, লক্ষ্যবোৰ উচ্চাকাঙ্খাবোৰ আপুনি নিজৰ জার্ণেলখনত লিখে৷ এনেদৰে লিখি ল’লে ই আপোনাক সহায় কৰে কথাবোৰ মনত ৰখাত আৰু সেইবোৰক লিখা কামটোৱে আপোনাৰ মনত দৃঢ় কৰি তোলে৷ আপুনি সেইবোৰ মাজে সময়ে উলিয়াই চাব পাৰে যে ভবামতে কামবোৰ হৈ ছে নে নাই, আপুনি কৰিছে নে নাই৷
ইম’চনেল ইন্টে লিজেঞ্চ বঢ়াব
ইম’চনেল ইন্টেলিজেঞ্চ হ’ল আপোনাৰ আৱেগবোৰ জনা, বুজা আৰু মেনেজ কৰা৷ জার্ণেলিঙে আপোনাৰ আত্মসচেতনাত বঢ়োৱাৰ লগতে আৱেগবোৰৰ লগত আপোনাৰ চিনাকি কৰাই দিয়ে৷ ই তেনেদৰে আপোনাৰ এমপেথি বঢ়োৱাতো সহায় কৰে৷ এই সকলোবোৰ কথাই আপোনাৰ ইম’চনেল ইন্টেলিজেঞ্চ বঢ়াই তুলিব৷
এতিয়া কথাটো হ’ল এই জার্ণেলিং কেনেকৈ কৰিব পাৰি?
কেনেকৈ কৰিব জার্ণেলিঙ
আপুনি হাতেৰে লিখিব পাৰে বা নিজৰ কম্পিউটাৰ, টেবলেট, আনকি মবাইল ফোনটোও ব্যৱহাৰ কৰিব পাৰে৷ আপুনি যিদৰে লিখি স্বাস্বন্দ্য অনুভৱ কৰে তেনেদৰেই লিখিব৷ কম্পিউটাৰ, টেবলেট বা মবাইল হ’লে আপুনি নোট টেকিং এপ এটা বা ডায়েৰী এপ এটা ব্যৱহাৰ কৰিব পাৰে৷
যদি অতেৰে লিখি আপুনি বেছি ভাল পায় তেনেহ’লে পচন্দৰ এটা নোটবুক লৈ লওক৷ তাত ওপৰত তাৰিখ আৰু দিনটো লিখি লওক আৰু তাৰ পিছত তাত নিজৰ লিখিবলগীয়া কথাবোৰ লিখি যাওক৷
কি কি লিখিব?
- আপোনাৰ মনত যিবোৰ চিন্তা চলি আছে সেইবোৰৰ কথা লিখিব পাৰে
- মনত চলি থকা আৱেগবোৰৰ কথা লিখিব পাৰে৷ মনটো যদি বেয়া লাগি আছে বা ভাল লাগি আছে কিয় লাগি আছে সেই কথাবোৰ লিখিব পাৰিব৷
- আপোনাৰ মনত হৈ থকা অনুভৱবোৰৰ কথা লিখিব পাৰে
- আপোনাৰ লক্ষ্যবোৰৰ কথা লিখিব পাৰে
- আপুনি কি কি কথাৰ বাবে কাৰ কাৰ ওচৰত কৃতজ্ঞ সেয়া লিখিব পাৰে
- আপোনাৰ মনলৈ অহা আন যিকোনো কথা লিখিব পাৰিব
মাত্ৰ মনত ৰাখিব আজি যদি আৰম্ভ কৰিছে, একেৰাহে মাজত এদিনো গেপ নিদিয়াকৈ আপুনি সেয়া ৩০ দিন কৰি থাকিব৷
