চেলেঞ্জ – ১০০ পুশ আপ এমাহৰ বাবে
মই ধৰি লৈছো আপুনি খুব বিজি আৰু অপোনাৰ একেবাৰে সময় নাই. আনকি নিজৰ স্বাস্থ্যৰ যত্ন ল’বলৈও আপোনাৰ সময় নাই৷ আপুনি যদি চাকৰিৰ বাবে ইফালে সিফালে, ইখন ঠাইৰ পৰা সিখন ঠাইলৈ ঘূৰি ফুৰিব লাগে আৰু সেইবাবে এক্সাচাইজ কৰিবলৈ, জিমলৈ যাবলৈ আপোনাৰ সময় নাই, তেতিয়াহ’লে তেনেহ’লে এই চেলেঞ্জটো আপোনাৰ বাবে৷ আপুনি ল’ৰা হওক, ছোৱালী হওক, পুৰুষ হওক, মহিলা হওক সকলোৱে এই চেলঞ্জটো গ্ৰহণ কৰিব পাৰে৷
এই চেলঞ্জত আপুনি ১০০ টা পুশ আপ মাৰিব প্ৰতিদিনে মাত্ৰ এমাহৰ বাবে৷ এবাৰ আৰম্ভ কৰিলে একেৰাহে ৩০ দিন এয়া কৰিব লাগিব৷
প্ৰতিদিনে ১০০ টা পুশ আপ
এবাৰতে ১০০ টা পুশ আপ মাৰিব নালাগে, প্ৰয়োজন হ’লে মাজতে আপুনি অলপ সময় ৰেষ্ট ল’ব পাৰিব৷ ধৰি লওক প্ৰথমে ২০ টা পুশ আপ মাৰিলে, তাৰ পিছত ১ মিনিট সময় ৰেষ্ট ল’লে তাৰ পিছত আকৌ ২০ টা পুশ আপ মাৰিলে আকৌ ১ মিনিট ৰেষ্ট ল’লে. তেনেদৰে আপুনি গৈ থকিব পাৰিব৷ ইমান সময়ৰ ভিতৰত কৰিবই লাগিব বুলি ধৰা বন্ধা কোনো নিয়ম নাই, মাত্ৰ আপুনি ১০০ টা পুশ আপ মাৰিব লাগে৷ সেইবুলি ২০ তা ৰাতিপুৱা অমৰিলো, বিশ টা দূপৰীয়া মাৰিলো, ৰাতি ২০ টা পুশ আপ মাৰিলো সেয়া কৰিবলৈ কোৱা নাই৷ পাৰিলে ১০ ৰ পৰা ৩০ মিনিট মানৰ ভিতৰত ১০০ টা পুশ আপ মৰাৰ কথাহে কৈছোঁ৷
কিন্তু পুশ আপ কিয়?
পুশ আপ মৰাৰ বা কৰাৰ লাভ কি কি
১. পুশ আপ মাৰিলে ফুল বডী ৱর্কআউট হৈ যায়৷ মানে গোটেই শৰীৰটোৰে এক্সাচাইজ হৈ যায়৷ আপোনাৰ আর্ম, ল’ৱাৰ বডী আৰু এবছ গোটেইবোৰতে ই প্ৰভাৱ পেলায়৷ আপোনাৰ মাংসপেশীবোৰ শক্তিশালী হৈ পৰে৷
২. শৰীৰটোত বেলেঞ্চ আৰু ষ্টেবিলিটি আনে- ই আপোনাৰ ৰিয়েকচন টাইম ভাল কৰে৷ ফলত বেলেঞ্চ আৰু স্পিড বাঢ়ে
৩. মাংসপেশীৰ ঘনত্ব বঢ়ায়- আপোনাৰ মাচলবোৰৰ ডেনচিটি বঢ়ায়৷ বয়সৰ লগে লগে যি মাংসপেশী কমি গৈ থাকে তাক ই নোহোৱা কৰে
৪. শৰীৰৰ ওপৰৰ অংশটো দেখাত ধুনিয়া কৰে৷ চেষ্ট, বেক আৰু চোলডাৰ অংশবোৰ দেখাত ভাল কৰে, টোন কৰি তোলে৷
৫. আপোনাৰ ক’ৰ বা মাজ অংশটো মজবুত কৰে৷ পেট কমাবলৈ সহায় কৰে, পিঠিৰ সমস্যাবোৰ নোহোৱা কৰাৰ লগতে, পেটৰ অংশটো মজবুত কৰি গোটেই শৰীৰটোক চাপর্ট দিয়া কামত ই সহায় কৰে৷
পুশ আপ কৰাটো আপোনাৰ বাবে সহজ৷ ইয়াক কৰোতে কম সময় লাগিব, মাত্ৰ ১০-২০ মিনিট সময়৷ আপুনি যিকোনো ঠাইতে কৰিব পাৰিব৷ কৰবাত হোটেলত আছে, এটা ৰূমত আছে, সকলোতে আপুনি এয়া কৰিব পাৰে৷ পুশ আপ মাৰিবলৈ একো সা-সজুলি নালাগে৷ আপোনাৰ শৰীৰটো আৰু মজিয়াখন হ’লেই হ’ল৷
প্ৰথমতে আপুনি অলপ অসুবিধা পাব পাৰে৷ যদি কেতিয়াও পুশ আপ মৰাই নাই বহুদিন পুশ আপ কৰা নাই, তেনেহ’লে আপুনি অলপ অসুবিধা পাব৷ তেতিয়া এবাৰত এটা চেটত ১০ তাকৈ পুশ আপ মাৰিব, অর্থাৎ ১০ টাকৈ পুশ আপ এটা চেটত, মুঠ ১০টা তেনে পুশ আপ চেট মাৰিব৷
মই বাহিৰলৈ গ’লে যত আন একো কৰাৰ সুবিধা নাই তাত তেনে কৰোঁ৷ অলপতে মই ২৪ দিন একেৰাহে ৮ খন পলিটেকনিকত ক্লাছ কৰিবলৈ অসমৰ বিভিন্ন ঠাইলৈ গৈছিলোঁ৷ তেতিয়া ৰাতিপুভা সোনকালে ক্লাছবোৰ আৰম্ভ হয় আৰু দিনটো চলে গতিকে সময় কম আছিল আৰু আন একো কৰা সুবিধাও নাছিল, গতিকে মই তেনেদৰে ৰাতিপুৱা ২০ টাকৈ পুশ আপ মাৰিছিলোঁ৷ আপুনি ২০০ টা নালাগে ১০০ তা পুশ আপ কৰিলেও হ’ব৷
এয়া আপোনাৰ বাবে চেলেঞ্জ৷ মাত্ৰ এবাৰ আৰম্ভ কৰিলে মাজত এদিনো গেপ নিদিয়াকৈ ৩০ দিন কৰি চাওক৷ তাৰ লাভ দেখিলে আপুনি আৰু এয়া কৰা নেৰে৷ আপুনি ল’ৰা হওক, ছোৱালী হওক, পুৰুষ হওক, মহিলা হওক সকলোৱে এই চেলঞ্জটো গ্ৰহণ কৰিব পাৰে৷
ল’বনে আপুনি এই চেলেঞ্জটো?