আপোনাৰ মনৰ ভিতৰত এখন চিনেমা অনবৰতে চলি থাকে৷ যেতিয়াই আপুনি কিবা এটা কথা চিন্তা কৰি থাকে, তেতিয়াই এখন চিনেমা মনৰ ভিতৰত চলি থাকে৷ আপোনাৰ মনটোৱে এখন চিনেমা প্ৰদর্শন কৰে আৰু আপুনি সেইখন চায়৷ আপুনি যেতিয়া অতীতৰ কিবা কথা ভাবে, ই আগতে ঘটি যোৱা কথাবোৰ দেখুৱায়৷ আপুনি যদি ভবিষ্যতৰ কথা চিন্তা কৰে, ই ভবিষ্যতে হ’ব পৰা ঘটনাবোৰৰ বিষয়ে আপোনাক দেখুৱায়৷ আপুনি যেতিয়া সিদ্ধান্ত এটা লয়, আপোনাৰ মনটোৱে এক বা ততোধিক চিনেমা প্ৰদর্শন কৰে আৰু আপোনাৰ সিদ্ধান্তটো তাৰ ওপৰত বহু পৰিমাণে নির্ভৰ কৰে৷
আপোনাৰ মনটোৱে যদি এখন নিগেটিভ চিনেমা প্ৰদর্শন কৰে, ই আপোনাক আৰু আপোনাৰ জীৱনৰ বিভিন্ন দিশক নিগেটিভভাৱে প্ৰভাৱিত কৰিব কাৰণ আপোনাৰ সিদ্ধান্তবোৰ সেই চিনেমাখনৰ দ্বাৰা প্ৰভাৱিত হ’ব৷
আপোনাৰ মনটোৱে যদি এখন পজিটিভ চিনেমা প্ৰদর্শন কৰে তেতিয়া ই আপোনাক এক পজিটিভ মুড লাভ কৰাত সহায় কৰে লগেত পজিটিভ চিন্তাবোৰ আপোনাৰ মনলৈ আহে৷ আপুনি নিজৰ বিষয়ে, ভবিষ্যতৰ বিষয়ে, পৰিস্থিতিৰ বিষয়ে, আপুনি কৰিবলগীয়া কামবোৰৰ বিষয়ে, আপুনি ইতিমধ্যে কৰা কামবোৰৰ বিষয়ে ভাল আৰু পজিটিভ অনুভৱ কৰে৷
সমস্যাবোৰ
মনৰ চিনেমাখনে নিশ্চিত কৰে প্ৰয়োজন হ’লে আপুনি নিজকে সলনি কৰিব পাৰিব নে নাই৷ আপোনাৰ অভ্যাস কিছুমান সলনি কৰিবলগীয়া হ’লে ই সেই সালসলনি হোৱাত বাধা দিয়ে৷ ই হতাশা, বেয়া চিন্তা, ষ্ট্ৰেছ, উদ্বেগ, দুঃচিন্তা, দীর্ঘসুত্ৰিতা, ক্ষোভ আদি সমস্যাৰ সৃষ্টি কৰে৷ আপোনাৰ মনৰ চিনেমাখন আপোনাৰ নানা সমস্যাৰ কাৰণ৷
আপুনি কি চিনেমা চাব তাক নিয়ন্ত্ৰণ কৰিব পাৰে
আপোনাৰ মনৰ ভিতৰত প্ৰদর্শিত চিনেমাখন আপনি নিয়ন্ত্ৰণ কৰিব পাৰে৷ আপুনি সদায় পজিটিভ চিনেমা এখন প্ৰদর্শন কৰিবলৈ বাচি ল’ব পাৰে যাতে আপুনি যি লাভ কৰিবলৈ ইচ্ছা কৰে সেয়া লাভ কৰিবলৈ কাম কৰিবলৈ অণুপ্ৰাণিত অনুভৱ কৰে৷ যদি আপোনাৰ মনটোৱে এখন নিগেটিভ চিনেমা প্ৰদর্শন কৰে, তেন্তে ইয়াক সততে সলনি কৰিব পাৰে চিনেমাখন, চৰিত্ৰবোৰ, কাহিনী, স্থান, ঘটনা আৰু প্লটটো সলনি কৰি৷ আপোনাৰ সচেতন আৰু অৱচেতন দু্য়োটা মনৰে বাবে এয়া সম্ভৱ৷
আপোনাক নিগেটিভভাৱে প্ৰভাৱ পেলোৱা আৰু আপোনাক হতাশ কৰি তোলা, আত্মবিশ্বাস কমোৱা আৰু কামৰ মান নিম্নগামী কৰা এখন নিগেটিভ চিনেমা মনৰ ভিতৰত প্ৰদর্শিত হৈ থকাতকৈ আপুনি নিজে পজিটিভ মনৰ চিনেমা এখন সৃষ্টি কৰিবলৈ চেষ্টা নকৰে কিয়ে যিয়ে আপোনাক সঠিক আৰু পজিটিভ চিন্তা কৰিবলৈ বাধ্য কৰাব?
