৩টা অভ্যাস যিয়ে আপোনাক সফলতাৰ পৰা আতৰাই ৰাখিছে

আপুনি সফল হ’ব বিচাৰে, আপুনি বিচৰা কামবোৰ কৰিব বিচাৰে৷ আপোনাৰ মনত কিছুমান অতুলনীয় ধাৰণা আছে, আপুনি কি কৰিব লাগে সেই বিষয়ে জানে আৰু আপুনি সিদ্ধান্ত কৰিছে যে আপুনি সেই কামবোৰ কৰা আৰম্ভ কৰিব যিবোৰে আপোনাক সফল হোৱাত সহায় কৰিব৷ যদিও আপুনি কামবোৰ কৰিব বিচাৰে আপুনি সেয়া কৰিব পৰা নাই৷

money

সম্ভৱত আপোনাৰ এনে কিছুমান অভ্যাস আছে যিবোৰে আপোনাক সফলতাৰ পৰা আতৰাই ৰাখিছে৷ আপোনাৰ সকলো আছে কিন্তু এই তিনিটা অভ্যাসৰ বাবে আপুনি একো লাভ কৰিব পৰা নাই৷

আত্ম-সন্দেহ

আত্ম-সন্দেহ মানে নিজকে সন্দেহ কৰা৷ ই আটাইতকৈ বেয়া অভ্যাস৷ আপোনাৰ যদি আত্ম-সন্দেহৰ এই অভ্যাসটো আছে, তেন্তে আপুনি একোৱেই লাভ কৰিব নোৱাৰিব৷ আপোনাৰ আত্ম-সন্দেহ থাকিলে আপুনি আনকি কামবোৰ আৰম্ভও নকৰে আৰু কেতিয়াবা কৰিলেও আধাতে সেয়া এৰি দিব৷ আত্ম-সন্দেহে আপোনাক সদায় ক’ব, “তুমি নোৱাৰা৷”

যেতিয়া এনে সঘনাই হ’বলৈ ধৰে, কিছু সময়ৰ পিছত আপুনি বিশ্বাস কৰা আৰম্ভ কৰিব যে আপুনি “কৰিব নোৱাৰে”৷ আৰু যদি সেই বিশ্বাসটোৱে ঘৰ কৰি লয়, তেন্তে আপুনি আনকি চেষ্টাও নকৰে৷ যেতিয়া আপুনি একো চেষ্টাই নকৰে তেতিয়া কিবা ফল পাব বুলি আপুনি আশা কৰেনে? যেতিয়া আপুনি নিজৰ ১০০% কাম এটাত নিদিয়ে বা কামটো আধাতে এৰি দিয়ে, তেতিয়া কিবা হ’ব বুলি আপুনি আশা কৰেনে?

আনক দোষ দিয়া অভ্যাস

কেতিয়াবা যদি কিবা বেয়া ঘটনা ঘটে বা আপুনি যদি আপুনি কিবা কামত বিফল হয়, তেতিয়া আপুনি দুটা কাম কৰিব পাৰে-

(১) নিজৰ দোষ, বিফলতা বা নিগেটিভ ঘটনাৰ বাবে আন কাৰোবাক তাৰ বাবে দায়ী কৰক বা

(২) নিজে তাৰ দ্বায়িত্ব লওক

আপুনি যদি নিজৰ দোষৰ বাবে বা বিফলতাৰ বাবে আনক দোষ দিয়ে আপুনি বিচৰা ফলাফল লাভ কৰিবলৈ কেতিয়াও সমর্থ নহ’ব৷ আপুনি আনক দোষ দিলে সফল হ’বলৈ আপুনি নিজকে উন্নীত কৰাৰ বা আৰু ভাল কৰাৰ সুবিধা হেৰুৱাব৷ মানুহেও আপোনাক বেয়া পাব, আপোনাৰ পৰা আতৰি থাকিব আৰু মানুহৰ সংগ আৰু সহায় নোহোৱাকৈ আপুনি কেনেকৈ সফল হ’ব?

তাতোকৈ বেছি ভাল হ’ব এই অভ্যাসটো সলনি কৰি যদি আপুনি নিজৰ দোষ, ভুল, বিফলতাৰ আদিৰ দ্বায়িত্ব লোৱা অভ্যাসটো গঢ়ি লয়৷ কিন্তু অকল দ্বায়িত্ব লোৱাতে আপুনি ৰৈ যাব নালাগে৷ দ্বায়িত্ব লোৱাৰ পিছত আপুনি নিশ্চিত কৰিব লাগিব যাতে আপুনি আকৌ সেই একে ভুলবোৰকে পুনৰাই নকৰে আৰু আগতকৈ বেছি ভাল কৰিবলৈ আপুনি চেষ্টা কৰি থাকে যাতে পিছৰবাৰ আপুনি বিচৰা ফলাফল আৰু বস্তুবোৰ পোৱাত সফল হয়৷

ফ’কাছ নকৰা

আপুনি যদি কামত, লক্ষ্যবোৰত আৰু যি লাভ কৰিব খোজে সেই কথাত ফ’কাছ নকৰে, তেন্তে আপুনি কেনেদৰে সফল হ’ব? কামত ফ’কাছ নকৰাকৈ যান্ত্ৰিকভাৱে কাম কৰি থকাৰ অভ্যাস বহু মানুহৰ আছে৷ তাৰ পিছত আকৌ তেওঁলোকে যেতিয়া সফল নহয় তেতিয়া তেওঁলোক আচৰিত হয়৷ আপুনি যদি কৰিবলগীয়া কামটোত বা লক্ষ্যবোৰত বা লাভ কৰিব বিচৰা কথাবোৰত ফ’কাছ নকৰে, তেন্তে কেনেদৰে আপুনি সেই বিচৰা ফলাফল লাভ কৰিব? বহু মানূএ আজিকালি মাল্টিটাস্কিং (কেইবাটাও কাম একেলগে কৰা) কৰাৰ চেষ্টা কৰে৷ আপুনি যেতিয়া তেনে কৰিবলৈ চেষ্টা কৰে, তেতিয়া একেসময়তে আপুনি নিজৰ ফ’কাছ কেইবাটাও কামৰ ভিতৰত ভগাই পেলায়৷ কোনো এটা কামত বা ক্ষেত্ৰত গভীৰ ফ’কাছ অবিহনে আপুনি নিজৰ ১০০% দিব নোৱাৰিব আৰু লগতে বহু গুৰুত্বপূর্ণ কথাও আপুনি মিছ কৰিব (গম নোপোৱাকৈ থাকিব), যিটো সফল হ’বলৈ বৰ প্ৰয়োজনীয়৷

এক সময়ত মাত্ৰ এটা কাম বা বস্তুৰ ওপৰতহে ফ’কাছ কৰোঁ আহক৷ সেইটো সম্পন্ন হোৱাৰ পিছত আন এটা কামলৈ যাও আহক৷ এনেদৰে আপুনি বেছি কাম কৰিব পাৰিব আৰু লগতে বেছি ভালকৈ কামবোৰ কৰিব পাৰিব৷

আপুনি যদি সফল হ’ব বিচাৰে আপুনি এই তিনিটা অভ্যাস ত্যাগ কৰিব লাগিব৷ অভ্যাস সলনি কৰা যদিও সহজ কথা নহয়, তথাপি এই সম্ভৱ আৰু আপুনি সফল হোৱাৰ পৰা বাধা দি থকা এই অভ্যাস কেইটা সলনি কৰিব পাৰে৷

 

Post Author: বিকাশ কলিতা

মটিভেচনেল স্পীকাৰ, লাইফ স্কিল প্ৰশিক্ষক, চার্টিফাইড কোচ আৰু উদ্যোগী (আন্ট্ৰিপ্ৰিনিওৰ) , যিয়ে পার্ছনেল ডেভেলপমেন্ট, উদ্যমীতা, কর্মকুশলতা আৰু জীৱনৰ বিভিন্ন বিষয়ে শিকায়৷ তেওঁ মানুহক নিজৰ জীৱন উন্নীত কৰিবলৈ আৰু নিজৰ লক্ষ্যবোৰ লাভ কৰিবলৈ সহায় কৰে৷ বিকাশ International Coach Federation (ICF), USA ৰ দ্বাৰা চার্টিফাইড এজন চার্টিফাইড কোচ, Associate Certified Coach (ACC). বিকাশ সমগ্ৰ উত্তৰ-পূর্বাঞ্চল তথা পূব ভাৰতৰ একমাত্ৰ আৰু প্ৰথম ই-বুক ষ্টোৰ আসামকার্ট (www.assamkart.com) ৰ এজন প্ৰতিষ্ঠাপক৷ আসামকার্টে পৃথিৱীৰ যিকোনো ঠাইৰ পঢ়ুৱৈয়ে অসমীয়া ই-বুক (কিতাপ) মবাইল ফোন আৰু কম্পিউটাৰত পঢ়িব পৰাকৈ যোগান ধৰে৷ বিকাশ Life Skills Training Institute (www.lstionline.com) বা LSTI ৰো এজন প্ৰতিষ্ঠাপক৷ এই অনুষ্ঠানে বিভিন্ন শ্ৰেণীৰ মানুহক মটিভেচনেল আৰু লাইফ স্কিল ট্ৰেইনিং আগবঢ়ায় যাৰ দ্বাৰা যুবক-যুৱতী সকলৰ সমর্থবান কৰাৰ লগতে সকলো মানুহৰে জীৱনৰ উন্নতি সাধনত সহায় হয়৷ বিকাশে অসমৰ বিভিন্ন টিভি চেনেল, যেনে প্ৰতিদিন টাইম আদিত বিভিন্ন সময়ত মটিভেচনেল স্পীকাৰ আৰু লাইফ স্কিল এক্সপার্ট হিচাপে মানুহৰ জীৱন সম্পর্কীয় নানা কথা-বতৰাত ভাগ লৈছে৷ তেওঁ “আমাৰ অসম” কাকতত আৰু মহিলা আলোচনী “নন্দিনী” ত দুটা নিয়মীয়া শিতানো লিখে৷ বিকাশে “বিকাশ কলিতা”(www.bikashkalita.com) নামৰ আন এটা পার্চনেল ডেভেলপমেন্ট ব্লগ লিখে৷

Leave a Reply

Your email address will not be published. Required fields are marked *