কেনেকৈ নিয়মিত ব্যায়ামে উদ্বিগ্নতা কমাব পাৰে?

আজিকালি চাৰিওফালে সকলো ক্ষেত্ৰতে সকলোৱে ষ্ট্ৰেছ অনুভৱ কৰে। সাধাৰণ জীৱন-যাত্ৰাত আপুনি প্ৰায়ে ষ্ট্ৰেছ বা মনৰ চাপৰ সন্মুখীন হয় আৰু তেনে ষ্ট্ৰেছৰ পৰা মুক্ত হোৱাৰ চেষ্টাও কৰে। আপুনি ষ্ট্ৰেছক নিজৰ জীৱনৰ পৰা বাহিৰ কৰি দি শান্তিৰে জীৱন অতিবাহিত কৰিব পাৰে মাত্ৰ এটা উপায় অৱলম্বন কৰি –

নিয়মিত ব্যায়াম কৰি।

যদি আপুনি নিয়মিতভাৱে ব্যায়াম কৰে, তেনেহ’ল আপুনি সহজভাবে ষ্ট্ৰেছ আৰু উদ্বিগ্নতাৰ পৰা হাত সাৰি থাকিব পাৰে। সদায় অলপ সময় ব্যায়াম কৰিলে আপোনাৰ মনটো শান্ত হৈ থাকিব। ব্যায়াম কৰিলে আপোনাৰ শৰীৰটো ভালে ৰাখিব অতিৰিক্ত চৰ্বি নোহোৱা কৰি, তাৰ লগতে আপোনাৰ শৰীৰ মজবুত কৰিব আৰু তেজৰ চলাচল ভালদৰে হোৱাত সহায় কৰিব। ই মগজুৰ ষ্ট্ৰেছ চম্ভালা অংশটো সলনি কৰি আপোনাক ষ্ট্ৰেছ চম্ভালাত সহায় কৰে।

The Journal of Neuroscience ৰ মতে যিবিলাক এন্দুৰে নিয়মিতভাবে ব্যায়াম কৰাৰ সুবিধা লাভ কৰে, সেইবোৰে তেনে ব্যায়ামৰ সুবিধা লাভ নকৰা এন্দুৰবোৰতকৈ উদ্বিগ্নতা আৰু ষ্ট্ৰেছ বেছি ভালকৈ আৰু সহজে চম্ভালি ল’ব পাৰে। সেই সুবিধা লাভ নকৰা এন্দুৰবোৰ প্ৰথমবোৰতকৈ বেছি দেৰিলৈ ষ্ট্ৰেছ আৰু উদ্বিগ্নতাৰ চিকাৰ হৈ থাকে।

নিয়মিত ব্যায়াম কৰিলে আপোনাৰ মগজুৰ এক নতুন ধৰণে বিন্যাস হয় আৰু ফলত আপুনি ষ্ট্ৰেছ আৰু উদ্বিগ্নতা বেছি ভালদৰে চম্ভালি ল’ব পাৰে। আন কিছুমান পৰীক্ষা-নিৰীক্ষাত পোৱা গৈছে যে শাৰীৰিক ব্যায়াম আৰু ষ্ট্ৰেছ আৰু উদ্বিগ্নতাৰ লেভেলৰ মাজত এক পোনপটীয়া সম্পৰ্ক আছে। শাৰীৰিক ব্যায়ামৰ পৰিমাণ বাঢ়ি গলে ষ্ট্ৰেছ আৰু উদ্বিগ্নতাৰ পৰিমাণ কমি যায়।

ষ্ট্ৰেছে সকলোৰে ওপৰত প্ৰভাৱ পেলায় কিন্তু যিসকলে নিয়মিতভাৱে ব্যায়াম কৰে, তেনে লোকৰ ওপৰত ষ্ট্ৰেছৰ বেয়া প্ৰভাৱ বহু কম হয়। ব্যায়ামৰ দ্বাৰা নিজৰ মগজুটোক এনে ষ্ট্ৰেছ চম্ভালি ল’বলৈ আপুনি ভালদৰে সাজু কৰিব পাৰে।

মই ঘৰতে বনাই লোৱা “হোম জীম” (Home Gym) ত নিয়মিতভাবে বয়ায়াম কৰোঁ। মই নতুনকৈ যোগাভ্যাস (Yoga) কৰাও আেম।ভ কৰিছোঁ আৰু যোৱা কেইমাহত বহুকেইটা আসন কৰিব পৰা হৈছোঁ। মোৰ নিজৰ ব্যক্তিগত অনুভবৰ পৰা মই ক’ব পাৰোঁ যে ৰাতিপুৱা ব্যায়াম বা যোগাভ্যাস কৰাৰ পিছৰ পৰা মই যথেষ্ট শান্তি আৰু সুখ অনুভব কৰিছোঁ। মোৰ মনটোৱেও আগতকৈ ভালকৈ আৰু বেছি কাম কৰা আৰম্ভ কৰিছে। মোৰ মনটোক শান্ত কৰি ৰখাটো আগৰ দৰে আৰু টান নহয়। আপুনি বডীবিল্ডাৰ হ’বলৈ শাৰীৰিক ব্যায়াম কৰিব নালাগে, মাত্ৰ নিজৰ শৰীৰটো ঠিকে ৰাখিবলৈ আপুনি নিয়মিতভাবে আপোনাৰ ভাল লগা এবিধ ব্যায়াম কৰিলেই হ’ল। আপুনি দৌৰা, খোজকঢ়া, যোগ, ফ্ৰি হেণ্ড ব্যায়াম, বা কিবা এবিধ খেল-ধেমালি কৰিব পাৰে। মাত্ৰ এনে ব্যায়াম বা খেলা-ধূলাই আপোনাৰ শৰীৰৰ বিভিন্ন অংশত কাম কৰি আপোনাক সুস্বাস্থ্যৰ অধিকাৰী কৰি তুলিব লাগে।

মাত্ৰ অকণমান ব্যায়াম কৰি ষ্ট্ৰেছ আৰু উদ্বিগ্নতা আতৰত ৰখাৰ লগতে এক সুন্দৰ শৰীৰৰ অধিকাৰী হ’ব পাৰিলে আপোনাৰ জানো ভাল নালাগিব?

ONLINE COURSES

এতিয়া অসমীয়াত অনলাইন কর্ছ
ঘৰৰ পৰাই আপুনি নিজকে আৰু ভাল আৰু উন্নীত কৰি তুলিব পাৰিব

আত্মবিশ্বাস বৃদ্ধি কৰক- The Confidence Course
প্ৰেজেন্টিং ইয়ৰচেলফ- ইন্টাৰভিউৰ বাবে কেনেদৰে সাজু হ'ব- Presenting Yourself

তলৰ ইমেজটোত ক্লিক কৰক


Online Course

অনলাইন কর্ছ

Post Author: বিকাশ কলিতা

মটিভেচনেল স্পীকাৰ, লাইফ স্কিল প্ৰশিক্ষক, চার্টিফাইড কোচ আৰু উদ্যোগী (আন্ট্ৰিপ্ৰিনিওৰ) , যিয়ে পার্ছনেল ডেভেলপমেন্ট, উদ্যমীতা, কর্মকুশলতা আৰু জীৱনৰ বিভিন্ন বিষয়ে শিকায়৷ তেওঁ মানুহক নিজৰ জীৱন উন্নীত কৰিবলৈ আৰু নিজৰ লক্ষ্যবোৰ লাভ কৰিবলৈ সহায় কৰে৷ বিকাশ International Coach Federation (ICF), USA ৰ দ্বাৰা চার্টিফাইড এজন চার্টিফাইড কোচ, Associate Certified Coach (ACC). বিকাশ সমগ্ৰ উত্তৰ-পূর্বাঞ্চল তথা পূব ভাৰতৰ একমাত্ৰ আৰু প্ৰথম ই-বুক ষ্টোৰ আসামকার্ট (www.assamkart.com) ৰ এজন প্ৰতিষ্ঠাপক৷ আসামকার্টে পৃথিৱীৰ যিকোনো ঠাইৰ পঢ়ুৱৈয়ে অসমীয়া ই-বুক (কিতাপ) মবাইল ফোন আৰু কম্পিউটাৰত পঢ়িব পৰাকৈ যোগান ধৰে৷ বিকাশ Life Skills Training Institute (www.lstionline.com) বা LSTI ৰো এজন প্ৰতিষ্ঠাপক৷ এই অনুষ্ঠানে বিভিন্ন শ্ৰেণীৰ মানুহক মটিভেচনেল আৰু লাইফ স্কিল ট্ৰেইনিং আগবঢ়ায় যাৰ দ্বাৰা যুবক-যুৱতী সকলৰ সমর্থবান কৰাৰ লগতে সকলো মানুহৰে জীৱনৰ উন্নতি সাধনত সহায় হয়৷ বিকাশে অসমৰ বিভিন্ন টিভি চেনেল, যেনে প্ৰতিদিন টাইম আদিত বিভিন্ন সময়ত মটিভেচনেল স্পীকাৰ আৰু লাইফ স্কিল এক্সপার্ট হিচাপে মানুহৰ জীৱন সম্পর্কীয় নানা কথা-বতৰাত ভাগ লৈছে৷ তেওঁ “আমাৰ অসম” কাকতত নিয়মীয়া শিতানো লিখে৷ বিকাশে “বিকাশ কলিতা”(www.bikashkalita.com) নামৰ আন এটা পার্চনেল ডেভেলপমেন্ট ব্লগ লিখে৷

Leave a Reply

Your email address will not be published. Required fields are marked *