আমাৰ জীৱনৰ উদ্দেশ্যবোৰ

“Whether one believes in religion or not, whether one believes in this religion or that religion, the very purpose of our life is happiness, the very motion of our life is towards happiness.”

H.H. the Dalai Lama, from The Art of Happiness

সকলো মানুহৰে জীৱনৰ প্ৰকৃত উদ্দেশ্য হ’ল সুখ। এই উদ্দেশ্য লাভ কৰিবলৈ বিভিন্নজনে বিভিন্ন ৰাস্তা ল’ব পাৰে। আপুনি জীৱনত যিয়েই নকৰক, আপোনাৰ মূল উদ্দেশ্য হ’ল সুখ লাভ কৰা। আপুনি আপোনাৰ চাকৰিত খুব কষ্ট কৰি টলা-পইচা ঘটাৰ চেষ্টা কৰক বা মটৰচাইকেলেৰে গোটেই পৃথিৱী পৰিভ্ৰমণ কৰক বা একেবাৰে মিনিমেলিষ্টিক জীৱন এটা জীয়াই থকাৰ চেষ্টা কৰক বা যিমান পাৰি সিমান বস্তু গোটোৱাৰ চেষ্টা কৰক, এই সকলোবোৰৰে আঁৰত আছে সুখী হোৱাৰ আকাংক্ষা। আপোনাৰ পথটো শুদ্ধ নে ভুল সেয়া অৱশ্যে আন এটা কথা।

যদিও আপোনাৰ লক্ষ্যটো পজিটিভ আৰু শুদ্ধ, আপুনি তাক লাভ কৰিবলৈ ভুল বা অশুদ্ধ পথ এটা ল’ব পাৰে। আপোনাৰ পথ, ষ্ট্ৰেটেজী আৰু কৌশলৰ ওপৰত নিৰ্ভৰ কৰি ফলাফল আপুনি বিচৰাতকৈ বেলেগ হ’ব পাৰে। সেইবাবেই আটাইতকৈ ভাল আৰু শুদ্ধ পথটো বাচি লোৱাটো বৰ দৰকাৰী।

কিছুমান কাম বা পথ যিবিলাকে আপোনাক সুখী হোৱাত সহায় কৰিব-

১) আন মানুহক সহায় কৰা

২) এটা মিনিমেলিষ্টিক জীৱন যাপন কৰা (মানে অত্যাৱশ্যকীয় বস্তুৰ বাহিৰে আন বস্তু নোহোৱাকৈ জীয়াই থকা)

৩) আপোনাৰ আকাংক্ষাবোৰ নিয়ন্ত্ৰিত কৰি ৰখা

৪) “বেছি” বস্তু থকাতকৈ পৰ্যাপ্ত (বা যথেষ্ট) থকাৰ ওপৰত জোৰ দিয়া

৫) জীৱনৰ লক্ষ্য বা উদ্দেশ্যবোৰ বাচি উলিওৱা

৬) সৎ আৰু শুদ্ধ বুলি জনা পথত চলা

৭) জীৱনৰ প্ৰত্যেক মূহুৰ্ত পৰিপূৰ্ণভাবে জীয়াই থকা

৮) যি ভাল পায় তাকেই কৰা

৯) নিজৰ যি আছে তাৰ বাবে কৃতজ্ঞ হোৱা

১০) অতীতৰ মনোযোগ দিয়াতকৈ বৰ্তমান আৰু ভবিষ্যতৰ ওপৰত গুৰুত্ব দিয়া

Post Author: বিকাশ কলিতা

বিকাশ এজন মটিভেচনেল স্পীকাৰ, উদ্যোগী (আন্ট্ৰপ্ৰিনৰ), কোচ, কার্যকুশলতা বিশেষজ্ঞ আৰু লিখক, যিয়ে পার্ছনেল ডেভেলপমেন্ট, উদ্যমীতা, কর্মকুশলতা আৰু জীৱনৰ বিভিন্ন বিষয়ে শিকায়৷ তেওঁ মানুহক নিজৰ জীৱন উন্নীত কৰিবলৈ আৰু নিজৰ লক্ষ্যবোৰ লাভ কৰিবলৈ সহায় কৰে৷ বিকাশ সমগ্ৰ উত্তৰ-পূর্বাঞ্চল তথা পূব ভাৰতৰ একমাত্ৰ আৰু প্ৰথম ই-বুক ষ্টোৰ আসামকার্ট (www.assamkart.com) ৰ এজন প্ৰতিষ্ঠাপক৷ আসামকার্টে পৃথিৱীৰ যিকোনো ঠাইৰ পঢ়ুৱৈয়ে অসমীয়া ই-বুক (কিতাপ) মবাইল ফোন আৰু কম্পিউটাৰত পঢ়িব পৰাকৈ যোগান ধৰে৷ বিকাশ Life Skills Training Institute (www.lstionline.com) বা LSTI ৰো এজন প্ৰতিষ্ঠাপক৷ এই অনুষ্ঠানে বিভিন্ন শ্ৰেণীৰ মানুহক মটিভেচনেল আৰু লাইফ স্কিল ট্ৰেইনিং আগবঢ়ায় যাৰ দ্বাৰা যুবক-যুৱতী সকলৰ সমর্থবান কৰাৰ লগতে সকলো মানুহৰে জীৱনৰ উন্নতি সাধনত সহায় হয়৷ বিকাশে অসমৰ বিভিন্ন টিভি চেনেল, যেনে প্ৰতিদিন টাইম আদিত বিভিন্ন সময়ত মটিভেচনেল স্পীকাৰ আৰু লাইফ স্কিল এক্সপার্ট হিচাপে মানুহৰ জীৱন সম্পর্কীয় নানা কথা-বতৰাত ভাগ লৈছে৷ তেওঁ “আমাৰ অসম” কাকতত আৰু মহিলা আলোচনী “নন্দিনী” ত দুটা নিয়মীয়া শিতানো লিখে৷ বিকাশে “বিকাশ কলিতা”(www.bikashkalita.com) নামৰ আন এটা পার্চনেল ডেভেলপমেন্ট ব্লগ লিখে৷

One thought on “আমাৰ জীৱনৰ উদ্দেশ্যবোৰ

  • […] দুদিন কথা বতৰা পতাৰ পিছত তেওঁৰ আচল সমস্যাটোৰ কথা গম পালোঁ৷ তেওঁৰ দুটা বস্তুৰ অভাৱ- সপোন আৰু জীৱনৰ উদ্দেশ্য৷ […]

Leave a Reply

Your email address will not be published. Required fields are marked *